Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
Jackson Pollock
(
28 januari
1912
-
11 augustus
1956
) waor 'ne belangrieke
Amerikaanse
kunssjilder. Me rekent haom tot de sjtielrichting
action painting
en tot 't
abstrak expressionisme
.
Pollock woort gebore in Cody in de sjtaot
Wyoming
en greujde op in
Arizona
. In 1923 bezoch hae 'n
indianereservaat
en zoog hae de kuns van de indiane, die vaol indruk op haom maakde en woavan hae motieve in zien werk zou opnumme. Hae sjtudeerde aan de Manual Arts High School in
Los Angeles
. In 1929 verhuusde hae nao
New York
, woa hae gong sjtudere aan de Art Students’ League onder
Thomas Hart Benton
. Pollocks vreug werke sjtonge onder invlood van de
naturalistisch
werkende Benton en de Mexicaanse
muraliste
David Alfaro Siqueiros
en
Diego Rivera
. Hae begoes ziech evvel ouch te intersere veur
Europese
sjtruiminge wie
kubisme
en
surrealisme
, die ouch invlood op zien sjtiel zouwe kriege. Ouch 't werk van
Pablo Picasso
inspireerde haom.
Zien iersjte solo-tentoansjtelling met veural surrealitisch georienteerd werk woort in 1943 georganiseerd met sjteun van
Peggy Guggenheim
. In 1944 trouwde Pollock met Lee Krasner. Zie gonge same wone in The Springs (
East Hampton
). Zien vrouw gong werke, zoadat Pollock ziech op zien sjilderieje koes concentrere. Hae begoes vanaaf 1946 groate werke te make woabie hae 't dook op de grond lag en met action painting-technieke de verf op 't dook goajde en leet drupe en 't daonao bewerkde met bieveurbeeld sjtekker en metser. 't Ontsjtoonsproces van 't kunswerk waor daobie van groat belang, wie bie alle kunstenaersj oet de action painting. Vanwege zien meneer van werke kreeg hae de bienaam "Jack the Dripper".
Pollocks werke van nao 1951 zint duusterder van kleur; deks gebruukde hae allein
zjwart
. Ouch begoes hae weer figuratief elemente in zie werk te gebruke. D'r waor vaol vraog nao zien werk, meh de druk hievan maakde dat hae ummer mie alcohol gong drinke.
Pollock sjtorf nao ein auto-ongelok in 1956.