Dit artikel is gesjreve (of begos) in 't Valkebergs . Laes hie wie v'r mit de versjillende saorte Limburgs omgaon.

Namesdaag ies binne 't Katholiek gelouf de viering van de sjterfdaag van 'ne petroanheilige . Veurbeelde zin: Franciscus op 4 oktober , Hubertus op 3 november , Gerardus op 24 september , Elisabeth op 19 november , Theresia van Lisieux op 1 oktober of 15 oktober , Maria-Magdalena op 22 juli , Sinterklaos op 6 december enz.

Es emes drager ies van 'ne veurnaam , dae 't zelfde ies of 'n aafkorting van eine bepaalde heilige, ouch waal petroanheilige geneump, woort op dae sjterfdaag ziene of haore namesdaag gevierd. 'n Oetzondering ies Sint Jan of Johannes de Duiper . Daovan weurt de geboortedatum gevierd en dae ies 24 juni . In de jaore 70 van de 20e iew ies de viering van de namesdaag in onbroek geraak. De verjaordaag van de eige geboorte krieg saer dan alle aandach.

Kermes ies 'n jaorliks truukkommend fies, dat deks gevierd weurt ter gelegenheid van de namesdaag van de petroanheilige van 'n parochie kerk .