Dit artikel is gesjreve (of begos) in 't
Remunjs
. Laes
hie
wie v'r mit de versjillende saorte Limburgs omgaon.
Wae de
Eslenjers
of
Este
(
Eslandjs
:
eestlased
) zeen, hingk aaf van de definitie. 't Geuf 3 definities veur Eslenjers:
- Polletieke
definitie:
borgers
van 't Rippebliek
Eslandj
. De
2021
geuf 't volges die definitie 1,2 miljoen Eslenjers.
- Etnische
definitie: 't
Finoegrisch
volk det
Eslandjs
kalt es modersjpraok en/of direk aafsjtamp van luuj mit Eslandjs es modersjpraok.
- Historische definitie: alle luuj die 'n
Finoegrische taol
kalle en te zuje van de
Finse Zee
wone. In det geval zeen ouch luuj die
Wotisch
en
Liefs
kalle es modersjpraok Eslenjers.
Finne
, daotaege, wone te noorde van de Finse Zee en zeen dus historisch gezeen gein Eslenjers.
Etnische Eslenjers make zoget 69% oet van de bevolking van haor thoeslandj Eslandj. Naeve de etnische Eslenjers geuf 't nag e deil minderheje in Eslandj, wie de
Rosse
of Rosso-Eslenjers (25%), de
Oekrainers
of Oekraiense Eslenjers (1,7%) en de
Witrosse
of Belarosso-Eslenjers (0,9%); de historische minderheje van
Balteduitsers
en
Eslandjse Zjwede
zeen nao d'n
Tweede Waereldoorlog
gooddeils verdreve of verhoes nao 't boetelandj. Etnische Eslenjers vorme zelf nag 'n klein minderheid in
Finlandj
en
Zjwede
.
Waereldwied geuf 't zoget 1 miljoen etnische Eslenjers, wovan 900.000 in Eslandj, 50.000 in Finlandj, 25.500 in Zjwede, 25.000 in de
Vereinigde Sjtaote
en tosse de 23.000 en 50.000 in
Canada
. Wiejer geuf 't nag kleinder minderheje in
Roslandj
(17.000), 't
Vereinig Keuninkriek
(14.000) en
Frankriek
(12.500).
In taengesjtelling toet de anger etnische groepe van de Baltische lenjer, de
Letlenjers
en de
Litouwers
, beheure de etnische Eslenjers neet toet 't
Baltisch volk
, ze sjpraeke dan ouch gein verwantje tale. Same mit de
Finne
en de
Hongare
zeen de Eslenjers e Finoegrisch volk. De meiste Eslenjers zeen historisch
lutheraans
; de Rossische minderheid meistes
oosters-orthodox
(veur
Rossisch-Orthodox
); taengeweurdig zeen Eslenjers aevel veur ongeluivig of neet aangesjlaote bie 'n kerkelik insjtituut.
