Dit artikel is gesjreve (of begos) in 't Remunjs . Laes hie wie v'r mit de versjillende saorte Limburgs omgaon.

'n Epidemie is 'n oetbraak van get, gebroekelik 'n krenkde , die zich versjpred tosse luuj; bie beester sjprek me euver 'n epizootie . 'n Epidemie die zich euver grote deiler van de waereld versjpred neump me 'n pandemie . 'n Krenkde die gebroekelik is binne 'n bepaolde groep of binne e begrens geografisch gebied het 'n endemie .

Ongerzeukers die epidemieje ongerzeuke, epidemiologe, kinne zich besjeftige mit ongelokke, psychische krenkdes of aandeuninge. 't Kriterium van 'n epidemie is det 't aantal getroffene staedig grujd, totdet de epidemie zien hoogdepuntj haet bereik. Es 't aantal daonao neet aafnump mer ongeveer rondj 'tzelfde niveau blief ligke, is de epidemie 'n endemische krenkde gewaore.