Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
Cleopatra VII Philopator
(Jannewari
69 v. Chr.
-
12 augustus
30 v. Chr.
) waor de
farao
vaan 't aajd
Egypte
, 't leste lid vaan de
Ptolemaische dynastie
en dus de leste Hellenistische heerser euver Egypte. Ouch al heet ze dezelfde naom es vaol aander Egyptische keuninginne, toch weurt zie gewoenlek aongeduid es
Cleopatra
, en al haor veurgengers met dezelfde naom zien mierendeils vergete.
'n antiek steine tablet met Cleopatra VII en Ceasarion oet
Alexandrie
,
Egypte
Es co-heerser euver Egypte same met haore vaajer (
Ptolemeus XII Auletes
), haor broor/echgenoot
Ptolemeus XIII
, en later haore zoon
Caesarion
, euverleefde Cleopatra 'ne
coup
oetgedach door de hoflui vaan haor broor, consemeerde zie 'n verhawwing met
Julius Caesar
die haore greep op d'n troen verstevigde, en, nao de moord op Caesar, verboond ze ziech met
Marcus Anthonius
, met wee zie 'ne twierling kraog. Later is ze getrouwd met Marcus Anthonius en kraog 'nen aandere zoon. Alles bie-ein had Cleopatra 4 kinder, 3 vaan Anthonius en 1 vaan Caesar. Oet 't houwelek met haor broor kaome gein kinder.
Naotot
Octavianus
, rivaal vaan Anthonius en wetteleke opvolger vaan Caesar, de volle mach vaan
Rome
tege Egypte aonbrach, benaom Cleopatra ziech vaan 't leve op
12 augustus
,
30 v. Chr.
. Haor naolaotensjap euverleefde in de vorm vaan vaol dramatiseringe vaan haor verhaol, boe oonder
William Shakespeare
's
Anthony and Cleopatra
en versjellende moderne
films
.
Cleopatra (Grieks veur
Vaajers glory
) waor de daarde dochter vaan keuning
Ptolemeus XII Auletes
en nao zienen doed in
51 v. Chr.
volgde zie haom op same met haor broor
Ptolemeus XIII
. Zie trouwde met haom en consemeerde 't houwelek um haore greep op d'n troen te verstevige.
Vaan de troen gestoete en weer trok met Julius Caesar
[
bewirk
|
bron bewerke
]
Al gaw kaom d'r ooneinegheid in 't houwelek, es Cleopatra ziech steeds mie ging affisjere es de alleinheerser vaan Egypte, door decrete allein oet te geve en munte te sloon zoonder de naom vaan haor broor/echgenoot drop. In reactie pleegde 'n grop vaan hoflui, oonder aonveuring vaan de
eunuch
Pothinus
, 'n staotsgreep en verdreef Cleopatra oet Egypte.
In 't naojaor vaan
48 v. Chr.
maakde Ptolemeus evels de fout um ziech te minge in de aongelegehede vaan Rome. Heer gaof oonderdaak aon
Pompeius
toen dee vlochde veur Julius Caesar aon het eind vaan 't ierste
triumviraat
, meh heer leet Pompeius vermaore um e wit veutsje te hole bij Caesar. Caesar voont dit verraod zoe verachtelek tot heer de Egyptische hoofstad innaom en ziech beneumde es arbiter in 't dispuut tosse Ptolemeus en Cleopatra euver de troensbestijging. Nao 'ne korten oorlog boe-in Ptolemeus 't leve leet, plaotste Caesar Cleopatra trok op d'n troen, same met 'n aander broor,
Ptolemeus XIV
, es co-heerser.
Caesar euverwinterde in Egypte, en Cleopatra maakde dao good gebruuk vaan door zien minnares te weure. Dao-oet kaom 'ne zoon geneump
Caesarion
, Grieks veur
kleine Caesar
. Evels, Caesar weigerde 't keend te erkinne en adopteerde
Octavianus
es ziene zoon. Cleopatra en Caesarion waore op bezeuk in Rome zjus toen Caesar vermaord woort, boenao zie trok nao Egypte vlochde. Dao storf kort daonao Ptolemeus XIV, woersjienelek vergifteg door Cleopatra. Zie beneumde haore zoon Caesarion gaw tot co-heerser.
Marcus Anthonius, oondergaank en doed
[
bewirk
|
bron bewerke
]
In
42 v. Chr.
reep Marcus Anthonius, ein vaan de
triumvirs
die aon de mach waore in Rome in 't machsvacuum nao d'n doed vaan Caesar, Cleopatra bij ziech in
Tarsus
um haor te oondervraoge euver haor loyaliteit. Cleopatra kaom dao aon met e groet gevolg, en zie charmeerde Anthonius zoevaol, tot heer d'r veur koos um de winter vaan
42 v. Chr.
-
41 v. Chr.
in Alexandrie met haor door te bringe. Tijdes deze winter woort zie zwanger vaan 'ne twierling, die door Cleopatra Selene en Alexander Helios geneump woorte. Veer jaor later kaom Anthonius nog es langs, op weeg um oorlog te voere met de
Parthe
, en zie vernuide hun relatie. Vaanoaf dat momint zouw Alexandrie zien thoes zien.
Oondertosse greujde in Rome 't oongenoege euver Anthonius zien, in hun ouge, sjendaoleg gedraag. Octavianus euvertuigde de Senaat um 'nen oorlog tege Egypte te beginne. In
31 v. Chr.
stoonte de legers vaan Anthonius tegeneuver de Romeine in 'ne zieslaag veur de kos vaan Actium. Cleopatra waor dao met 'n vloot vaan haor eige, meh toen zie zaog tot Anthonius de slaag aon 't verlere waor, vlochde ze. Nao de
Slaag bij Actium
veel Octavianus Egypte binne. Toen heer Alexandrie naderde deserteerde de legers vaan Anthonius nao de kant vaan Octavianus. Zoewel Cleopatra es Anthonius pleegde zelfmaord, Cleopatra door ziech door 'n slang te laote vergiftege. Cleopatra's zoon vaan Caesar, Caesarion, woort geexecuteerd door Octavianus. De drei kinder vaan Cleopatra en Anthonius woorte gespaord, trokgenome nao Rome en opgeveujd door de vrouw vaan Anthonius, Octavia.