Dit artikel is gesjreve (of begos) in 't Mestreechs . Laes hie wie v'r mit de versjillende saorte Limburgs omgaon.

Cairo ( Arabisch ???????? al-Q?hirah , Koptisch ?????? Kahire ; in de volksmoond ??? Ma?r , letterlek Egypte ) is de hoofstad vaan Egypte . De stad ligk aon de basis vaan de Nijldelta en heet neet minder es 10 mieljoen inwoeners; in de veurstei woene nog ins zoevaol lui. Cairo is heimet 't politiek, economisch, cultureel en intellectueel midde vaan gans 't land. De stad woort in 969 gestiech es fort bij de al bestaonde stad Foestaat . Foestaat en Cairo woorte de residentie vaan 't Fatimidekalifaot en greujde daodoor snel. Oet dezen tied stamp nog d'n Al-Azjarmoskee , nog ummertouw e beeldbepaolend monumint. Nao 't oetereinvalle vaan 't kalifaot waor Cairo nog deil, deks hoofstad, vaan versjellende staote en greujden 't oet tot de groetste stad in d'n islamitische wereld. In 1517 evels woort Egypte oonder de voot gelope door 't Osmaans Riek en raakde Cairo zien centraol positie kwiet aon Constantinopel . Wie 't centraol gezag vaan de sultan begos te verdwijne, bleujde ze op oonder de ummer oonaofhenkeleker oonderkeuning. Ouch oonder Brits koloniaol bewind en es hoofstad vaan 't oonaofhenkelek Egypte greujde de stad door.

   Dit artikel is e sjtumpke. De kans Wikipedia helpe door 't aan te volle