Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
De
boek
of 't
abdomen
(ouch
pens
) is bie
gewerveldje
dere, woronger de miens, 'n holte, de
boekholte
, die is gevoldj mit 'n aantaal aan
organe
die veural te make hobbe mitte
spiesvertaering
, de perduksje van
urien
enne
veurtplantjing
. Organe die zich ech inne boekholte bevinje, wie de
maag
, de
laever
, de
miltj
en 't euverdeil vanne
derm
ligke intraperitoneaal (binnen 't
boekvlees
); organe die dao-aan waal grenze meh zich neet ech inne boekholte bevinje, wie de
nere
enne
alvleisjkleer
, neump me extra- of retroperitoneaal. 'n Orgaan wie de
uterus
is e bietje e grensgeval.
't Boekvlees of
peritoneum
is e vlees det de boekholte ane binnekantj enne boekorgane ane boetekantj bedek.
De boekholte is aafgesjedj van 't
hert
enne
longe
door 't
midderif
of
diafragma
, 'n spier inne vorm van 'n dun koeppelvormige plaat die bie sametrekking de borsholte vergruuetj t'n koste vanne boekholte, zoeadet de longe zich vol mit loch konne zuge. Omdet de boekinhaad koum samedrokbaar is, zal hiebie de boekwandj get nao boete komme. Inne midde vanne boek zitj de
navel
.
Oppe boek van mansluuj (en sommige vrolje) greutj, aafhenkelik vanne gene,
boekhaor
. Dit haor ontwikkeldj zich inne
puberteit
en kan bestaon oet 'ne streep aan haor tosse de sjaamstreek enne navel, mer 't kan ouch de ganse boek bedekke.