Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
't Blazoen van Nederlands Limburg
" 'n Geveredeild sjildj; 't ieerste kwarteer in zilver 'ne van goud gekroonde en geklauwde leeuw van kael mit dubbele stert; 't twieede kwarteer in goud 'ne van kael getongde en geklauwde ongekroonde leeuw van sabel; 't derde kwarteer in goud drie haores van kael, geplaats twiee en ein, en veurzeen van benj van zilver; 't veerde kwarteer in lazoer 'ne leeuw van goud mit dubbele stert, getongd van kael, gekroond en geklauwd van goud; euver alles haen 'n hertsjildj van zilver belaje mit 'n van goud gekroonden en geklauwden leeuw van kael mit dubbele stert. 't Sjildj gedek mitte Limburgse hertogelikke hood of kroon."
't
Blazoen
of
waope
van
Limburg
besteit oet veer
kwartere
en e
hertsjildj
. Alle deile van 't waope symbolisere 'n bepaold gebied, waat vreuger in de huidige provincie loog. 't Hertsjildj is 'ne Limburgse leeuw. 't Is 't waope van 't vreugere
Hertogdom Limburg
mit es hoofdstad de stad
Limburg
bie Luuk. 't Ieerste kwarteer is 't waope vanne
Hieerlikheid Valkeberg
. Dit is geliek aan 't waope van 't Hertogdom Limburg, omdet Valkeberg vreuger 'n
lieen
van Limburg is gewaes. 't Twieede kwarteer is 'ne Gulikse leeuw. Versjillende plaatse in 't noorde van Zuid-Limburg en in Midde-Limburg behuuerde vreuger toet 't
Hertogdom Gulik
. Deze leeuw is auch truuk te vinje in 't waope vanne stad Gulik (
Julich
). De
poshaores
in 't derde kwarteer komme oet 't waope vanne
Graafsjap Haor
. 't Leste kwarteer leut 'ne Gelderse leeuw zeen. Groeate deile van Noord- en Midde-Limburg behuuerde vreuger toet
Gelder
. De hertogelikke kroean weurd gebroek, omdet Limburg van
1839
toet
1866
'n
soeverein
hertogdom
waas.
Op
27 december
1886
verlieende
Keuning Wullem III
bie keuninklik besloet dit waope ane provincie Limburg.
