Dit artikel is gesjreve (of begos) in 't
Valkebergs
. Laes
hie
wie v'r mit de versjillende saorte Limburgs omgaon.
De
advent
, van 't
Latiense
adventus dat koms beteikent, ies bie de
katholieke
de tied, ter veurbereiing, op 't
keersjfies
. De advent begint op de veerde zondig veur de keersjmes, dae velt tosje 27 november en 3 december, en ies teves 't begin van 't kerkelik jaor. De lengde van de adventstied kent versjille, tosje 22 tot 28 daag, umdat de advent ummer op 'ne zondig begint en eindig op keersjaovend. De veer zondige hobbe 'ne eige naam, respectievelik: Levavi, Populus Sion, Gaudete en Rorate.
De adventstied ies 'n periode van boete. De
liturgische
kleure (
kasuifel
e.a.) zint dan ouch paars.
Dao besjtoon speciaal adventsleder, die door koare gezonge were. 'n Paar bekende veurbeelde zin:'t
Gregoriaans
'Rorate coeli desuper'; 'O komm, o komm, Emmanuel' op teks van
Heinrich Bone
in Cantate 1852, melodie: Kolner Gesangbuch 1852; 'Leise rieselt der Schnee', teks en melodie van
Eduard Ebel
en 'Lied der Hirten' of 'Sei willkommen' oet 't Keersjoratorium van
H.F.Muller
.
In dezen tied weurt in de kerk 'ne adventskrans opgehange met 4 keertse d'r op, die achtereinvolges op edere adventszondig were aangesjoke es symbool van houp en es teike van 't kommende keersjfies. 't Gebruuk dateert oet de 19e iew. De letste jaore weurt zoa'ne krans ouch in winkelsj, sjoale en hoezer opgehange. .
Van 'n traditie oet 't
Erzgebergte
(
Duutsjland
) sjtamp 't gebruuk um drieheukskes of baogskes met brennende keertse achter de venster te plaatse.
'n Ander traditie, ouch oet de 19e iew, ies de adventskalender veur kinger. Dat ies ein met keersjtaferele verseerd kalenderblaad met in totaal 24 venstersjlaegskes die opegemaak kenne were. Op ederen daag in de advent maog emes ein deurke eupene en de verrassing, die dao achter ziet, opete. Meistal ies dat
sjloek
in de vorm van 'n
sjoekelate
figuurke.
