Eric Carmen is veur vief jaor lang de zenger vanne Raspberries gewaes, 'ne bend daen d'r in 1970 in Cleveland oprichdje. Mitte bend haw d'r get hits, meh die gongen in 1975 oeterein, worop Carmen es soloarties wiejergong.
In 1976 haw Carmen 'n internasjenaal hit mit 't leedje
All by Myself
(oetgebrach in dieetsember 1975). 'n Plaat die later nag door vaol anger artieste gecoverd zow waere. Daonao kreeg t'r nag hits mit
Never Gonna Fall In Love Again
(1976),
She Did It
(1977) en
Change of Heart
(1978). Yoet 1980 bleef t'r nag albums oetbringe, die aevel ederskieer minder opbrachte. Nao get jaor ros gepak te hobbe kaam in 1984 't album
Eric Carmen
oet det aevel gaar nieks opbrach, wodoor de zenger zich trogktroch oete sjawwerreld.
't Floepdje Carmen aevel in 1987 'n groeate trogkkoms de make mit 't leedje
Hungry Eyes
oete film
Dirty Dancing
. Hie koom waal gei nuuj album mieer op oet enne eige zangloupbaan van Carmen waas daomit zoea good wie gedaon. Waal waerdje zien kompeziesjes nag succesvol oetgedrage door versjeien artieste, woronger door
Shaun Cassidy
enne
ballaad
Almost Paradise
oete film
Footloose
(
1984
). In
1997
haw
Celine Dion
werreldwied nag 'n groeate hit mit
All By Myself
.
In 't jaor 2000 brach Carmen nag 't album
I Was Born to Love You
, wo neet vaol reaksje op koom. In 2004 kome de Raspberries weer same veur rondj te toere. Doe speeldje die inne Vereinigdje Staoten onger angeren in 't veurpergram van
Bruce Springsteen
.
Eric Carmen is in 't waekinj van 9 en 10 mieert 2024 gestorven op 74-jaorige laeftied.