Dit artikel is gesjreve (of begos) in 't
Mestreechs
. Laes
hie
wie v'r mit de versjillende saorte Limburgs omgaon.
De
Amerikaanse Maagde-Eilen
(officieel
Virgin Islands of the United States
, in daogeleks Ingels dekser
U(nited) S(tates) Virgin Islands
) zien 'n otonoom gebeed oonder jurisdictie vaan de Vereinegde Staote. Ze make met de
Britse Maagde-Eilen
deil oet vaan de arsjipel vaan de
Maagde-Eilen
, zelf weer deil vaan de
Klein Antille
bove de wind. 't Territorium ligk westelek vaan 't ouch Amerikaans
Puerto Rico
. Veurheer (tot 1917) waore de eilen Deens.
Met zoe'n 346 veerkentege kilometer zien de Amerikaanse Maagde-Eilen get groeter es
Malta
, meh kleinder es beveurbeeld
Jan Mayen
. Hoegste punt is
Crown Mountain
met 474 meter. 't Klimaot is tropisch, met maximumtemperature 't jaor door roond de 30°C, en vrij druug, met e regeseizoen in de herfs vaan 't noordelek haafroond (september-november); dit weurt door sterke
passaotwin
veroerzaak.
Orkaone
koume vaol veur.
De Amerikaanse Maagde-Eilen zien vrij riek aon
veugel
, boevaan 't 232 soorte gief. Daovaan zien 'rs 6 door lui ingeveurd, en 19 zien zeldzaom of
daolgaste
. Endemische soorte hobbe de eilen neet. Opvallend is tot me hei vaol zieveugel vint die ouch in gemaotegde streke veurkoume, en neet vaol tropische veugel wie pappegejje.
Bij de volkstelling vaan 2010 waor 79,7% vaan de bevolking
zwart
(Afro-Caribisch), 7,1%
blaank
, 0,5% Aziatisch en 12,7% gemingk of aanders. De Amerikaanse volkstelling helt ouch 't aontal Latiens-Amerikaone ('
Hispanics
') bij, die vaan eder ras kinne zien. In 2010 waor 22,3% hispanic; vaan dees gemeinsjap waor 57% vaan gemingk ras, 27% zwart en 16%. Ze zien veural aofkomsteg vaan Puerto Rico; e paar koume oet de
Dominicaanse Rippubliek
.
Officieel taol in de Amerikaanse Maagde-Eilen is 't Ingels. De bevolking sprik
Maagdeneilands Creool
-Ingels, e dialek wat al in e vreug stadium sterk gedecreoliseerd is (mie e normaal Ingels dialek gewore) en sterk verwant is aon de dialekte vaan
Sint-Eustatius
en
Saba
. Vreuger woort op de Maagde-Eilen 'n Nederlandse creooltaol gesproke, 't
Negerhollands
, wat oondaanks ziene naom gooddeils op 't
Ziews
waor gebaseerd. Dees taol is in 1987 oetgestorve. Oondaanks de iewelang Deense hiersjappij weurt 't Deens veur de Maagde-Eilen neet opgegeve.
[2]
De bevolking is zier dominant christelek; door zie Deens verleie is 't groetste deil vaan de bevolking
lutheraons
. Immigratie vaan hispanics heet ouch groete aontalle
kathelieke
nao de Amerikaanse Maagde-Eilen gehaold.
Wie de aander Antille woorte de Amerikaanse Maagde-eilen oersprunkelek bewoend door achterein de
Ciboney
, de
Arowakke
en de
Caribe
.
Columbus
deeg de eilen es iersten Europeaon aon in
1493
, op zien twiede reis, en neumde ze
Santa Cruz
,
San Tomas
en
San Juan
. De eilen kraoge hun Franse naome oonder de Franse euverheersing later. Neve de Spanjole en de Fransoze hobbe ouch de Britte en de Hollenders kolonies op de eilen gehad. Vaanaof 1672 begos de
Deensen
tied, wie de Deense Wes-Indische Compagnie ziech op Saint-Thomas vestegde. In 1694 volgde Saint-John, in 1733 tot slot ouch Saint-Croix, wat vaan de Fransoze gekoch woort. Vaanaof
1754
woorte de Deense Wes-Indische eilen 'n kroenkolonie. De eilen brachte evels niks op; de Deense regering lag zelfs drop touw. In
1916
woort daorum met de Amerikaone bij verdraag beslote um de eilen euver te drage; dit woort op 31 miert
1917
geimplementeerd. Sinds
1927
hobbe de inwoeners Amerikaans staotsborgersjap.