Politeisme
(de elinica πολυθε?σμ??, "multe dios -isme") es la adora de e crede en dios multiple, cual es tipal colieda en un panteon de dios e divas, con sua propre relijios e rituos. En la plu de relijios cual aseta politeisme, la dios e divas diferente es representas de fortes de natur o prinsipes de la asendentes, e pote es videda o como autonom o como aspetas o emerjintes de un dio-creor o prinsipe transendente asoluta (teolojias
moniste
), cual mostra se inerente en natur (
panteisme
o
panenteisme
). La plu de la dios politeiste de relijios antica con la esetas notable de la dios de Egipte antica e la dios de
induisme
, ia es videda como avente corpos fisical.
Politeisme es un tipo de
teisme
. En teisme, lo contrasta con
monoteisme
, la crede en un sola Dio, en la plu de casos transendente. Politeistes no adora sempre tota la dios egal, ma los pote es
enoteistes
, ci spesiali en la adora de un dio spesifada. Otra politeistes pote es
catenoteistes
, ci adora dios diferente a veses diferente.
Politeisme ia es la forma tipal de relijio en la
Eda de Bronze
e
Eda de Fero
asta la
Eda Asal
e la developa de
relijios abramal
, cual enforsa seria monoteisme. Lo es bon arcivida en la relijios istorial de anticia clasica, spesial la relijios de
Elas antica
e
Roma antica
, e pos la descrese de la politeisme elinica e roman, en la relijios tribal como
paganisme germanica
,
celta
,
slavica
, e
baltica
.
Relijios politeiste importante praticada oji inclui
relijio tradisional xines
, induisme,
xinto
japanes,
santeria
, e fidas
neopagan
variosa.