La bandera de jainisme en India
Jainisme
, tradisional conoseda como
Jain Dharma
, es un relijio antica de
India
. Seguores de Jainisme es nomida jaines, un parola derivada de la parola sanscrito
jina
(vinsor) e sinifia la via de vinse en crusi ultra la rio de renases de vive tra un vive etical e spiritual. Jaines trasa sua istoria tra un susede de 24 salvores e instruores vinsente nomida
tirthankaras
. La prima ia es
Rishabhanatha
, ci, seguente istoria jain, ia vive a miliones anios en la pasada; la mestre 24 ia es la
Mahavira
sirca 500 aec. Jaines crede ce jainisme es un dharma eterna con la
tirthankaras
gidante cada sicle de la cosmolojia jain.
La premises xef de jainisme es
ahimsa
(nonviole),
anekantavada
(multiladalia),
aparigraha
(nonteni), e
asetica
. Jaines relijiosa jura sinco prometes: ahimsa,
satya
(veria),
asteya
(no fura),
brahmacharya
(asteni de seso), e
aparigraha
. Esta juras ia afeta la cultur de la jaines en multe modos, como
vejetalisme
per evita feri animales e sua sicles de vive.
Parasparopagraho Jivanam
("la rol de spiritos es per aida lunlotra") es la slogan de jainisme. La mantra
Namokara
es la prea la plu comun e fundal.
Jainisme ave du sutradisiones antica major -
digambaras
e
svetambaras
- e alga sutradisiones plu peti, cual ia emerje en la milenia du ce. Los ave ideas diferente sur praticas asetica, omes e femes, e cual testas jain pote es videda como autoriosa.
Mendicores
es trovada en tota sutradisiones, e laicas suporta la laboras spirital de la mendicores con sua furnis.
Jainisme ave entre cuatro e sinco milion seguores, con la plu de los en India. Estra India, alga de la comunias la plu grande es aora en
Canada
,
Europa
,
Cenia
, la
Rena Unida
,
Hongkong
,
Suriname
,
Viti
, e la
SUA
. Festivales major inclui
paryushana
o
das lakshana
(la festa la plu importante),
mahavir javanti
(la nase de Mahavira), e
divali
.