La Impero de Acsum
La obelisce de Acsum, onorante Re Ezana
Mapa de comersia internasional de la sentenio prima ec
La
Impero de Acsum
(ance nomida la Rena de Acsum) ia es un rena antica locada en lo cual es aora
Ertra
e la rejion
Tigrai
de
Itiopia
norde. La imperores ia es renores potiosa, nominte se "Re de res". La impero ia esise de sirca 80 aec a 825 ec. La governa ia es sentrida en la site de
Acsum
e ia crese de la eda de fero sirca la sentenio 4 aec, e ia ateni domina par la sentenio prima ec. Acsum ia deveni un potia major a la via comersial entre la
Impero Roman
e
India antica
. La renores de Acsum ia fasili comersia par fabrica sua propre monetas e par domina la
Rena Cux
. La impero ia entra la politica de la renas a la penisola arabi e ia estende ultima sua rena sur la rejion con la concista de la
Rena Himiar
. La profeta
Mani
(mori en 274 ec) ia regarda Acsum como un de la cuatro potias grande de sua eda, con
Persia
,
Roma
, e
Xina
.
En la impero temprana, sirca 1700 anios ante aora, obelisces jigante ia marca la tombas (cameras sutera) ia es construida, la plu famosa de cual es la
Obelisce de Acsum
. Los ance ia erije menires, cual ia ave un intende relijiosa en edas precristian. Un de estas es la strutur la plu grande en la mundo, de 27.5 m.
La popla de la impero ia es composada de parlores de linguas semita, cuxita, e nilo-saharan. La capital antica de la impero ia es ance nomida Acsum, e es aora un vila en Itiopia norde. La impero ia usa la nom Itiopia tan temprana como la sentenio 4. Tradisiones dise ce Acsum ia es la loca de reposa de la
arca de la acorda
e la abitada de la
rena de Xeba
notada en la
biblia
.
La impero ia ave un sistem simil a
feudalisme
en la cultiva de la tera. Sua esportas major ia es produis cultival. La tera ia es multe plu fertil en esta eda ca oji, e sua colies xef ia es granes como trigo e orzo. La popla ia ance eleva boves, oveas, e cameles. Animales savaje ia es ance xasada per ivor e la cornos de rinoseros. La impero ia es ance rica en depones de oro e fero, cual ia es valuada per comersia. Ma un otra mineral ia es ance importante:
Sal
ia es abundante en la impero e ia es intercambiada comun.
Acsum ia es envolveda en la rede de comersia entre India e Roma, e ia esporta ivor, casca de tortuga, oro, e esmeraldas, e importa seda e spises. Car la impero ia ave asede a la
Mar Roja
e la
Rio Nilo
superior, lo pote usa sua marina forte per profita de comersia entre statos african (
Nubia
), arabi (
Iaman
), e indian. Esta comersia ia comensa con un cambia en la comensa de la sentenio prima, cuando un via de Egipte a India ia es fundida, usante la Mar Roja e la ventas de la monsones per crusi la Mar Arabi direta a India sude, en loca de un via prosima a la costas. La demanda par romanes per benes de India sude ia crese dramosa, e la Impero de Acsum ia es ideal locada per prende vantaje de la situa.
Adulis
ia deveni la porto major per la esporta de benes african, pd ivor, insenso, oro, sclavos, e animales rara. Per furni esta benes, la imperores de Acsum ia developa e estende un rede de comersia interna.
La cultur de Acsum ia es influeda spesial par
iudisme
, e alga scrivores itiopian ia descrive lo como un "Rena Iudi". La
Kebra Nagast
es un epica nasional scriveda en
Ge'ez
par Is'haq Nebura -Id de Acsum ia es scriveda en la sentenio 15, e es videda par cristianes itiopian como istorial. Lo ia dise ce la rea de Xeba (rea
Maceda de Itiopia
) ia encontra re
Solomon
, e ce sua fio,
Menelic
, ia comensa la familia renante. Su Imperor
Ezana
(renante 320-360 ec), Acsum ia adotada
cristianisme
, reponente la iudisme e relijios
politeiste
sirca 325 ec. En la sentenio 7, muslimes temprana ia trova refuja de la persegue par la
Curaix
par viajante a la impero, un viaja conoseda en la istoria de
islam
como la
Hidjra Prima
. Oji, Itiopia es ancora 44% cristian (ortodox itiopian) e 34% muslim.