La distribui de la cultur magdalenian
Un sculta de un cavalo de la cultur magdalenian
La
cultur magdalenian
es un de la cultures tarde de la
paleolitica
alta en Europa ueste, datida de sirca 15,000 a 10,000 aec. Lo es nomida per la loca
La Madeleine
en Frans.
La cultur ia es orijinal nomida "la eda de la reno", par
Edouard Lartet
e
Henry Christy
, ci ia escava prima la loca, en sua publica en 1875. An si la renos ia ave un importa grande, los ance xasada cavalos, servos roja, e otra mamales grande. La cultur ia es sperdeda vasta, e la locas magdalenian ia es trovada de Portugal a Poland.
La cultur ia dura longa, e sua metodos de fabrica mostra progresa. La clima ia es fria e seca ma la mamute ia es estinguida ante esta eda. La usa de oso e ivor per utiles variosa, ancora comensada en la cultur solutrean, ia crese e la tecnolojia ia es min de petra e plu de oso. La utiles es multe variosa: puntos per lansias e arpones, foradores, oncas, e agos.
La locas magdalenian la plu temprana es tota trovada en Frans. La cultur epigravetian es un cultur simil de la mesma eda, e estende de Italia a la rio Volga.
La periodos plu tarde de magdalenian es ance sinonim con la recoloni de Europa norde-ueste pos la masima glasial final. Rexerca en Suiz, Deutxland sude, e Beljia ia furni
dati radiocarbonal
cual suporta esta. Ma, car magdalenianes ia es
xasores-coliores
, magdalenianes no ia coloni intera permane en Europa norde-ueste, car los seguente la manadas e ia move con la saisones.