Carlo 5
(24 febrero 1500 ? 21 setembre 1558) ia es la imperor de la
Impero Santa Roman
, la re de
Espania
,
Napoli
e
Sisilia
, e la re de
Nederland burgundian
. El ia es nomida Carlo 1 en Espania, e sua nometa ia es
El Dorado
(la oro) par causa de sua rena bon e notable.
Philip la bela
e
Joanna la demente
de
Castelia
ia es sua jenitores. Sua avo e ava de lado madral ia es
Ferdinando 2
de Aragon e
Isabella 1
de Castelia, de ci sua sposi ia uni Espania. Sua avo e ava a sua de lado padral ia es la imperor
Maximilian 1
e la duxesa
Marie de Burgundia
.
Carlo ia ave multe enemis ci ia teme ce sua erita va move el en dirije a un monarcia universal. Sua rena ia es dominada par geras, spesial tre disputas major: la geras de
Habsburg
e
Valois
contra
Frans
; la luta per para la avansa de la
osmanianes
, e la
Reforma Protestante
cual ia provoca disputas con la prinses deutx.
Espania ia es la fonte de la potia e ricia enorme de Carlo. En la
Americas
, Carlo ia coraji la concista de la imperos
Asteca
e
Inca
. La estende grande de teritorio e la flue de arjento a Castelia ia ave efetos per Espania tra multe sentenios.
Carlo ia ave no plu ca 56 anios cuando el ia renunsia sua trono. El ia es multe fatigada par sua rena enerjiosa e ia xerca un grado de pas en un monceria, do el ia mori con 58 anios. Pos sua renunsias, la trono de imperor de la Impero Santa Roman ia pasa a
Ferdinando 1
, sua frate plu joven, ci ia reseta la paises osteraices en 1521. La impero de Espania, cual ia inclui la posesedas en Nederland e Italia, ia es eritada par sua fio
Philip 2
. La du imperos ia es aliada asta la sentenio 18.