Informa personal
Nase
: 29 junio 1900 en Lyon, Frans
Mori
: 31 julio 1944 a sude de Marseille, Frans
Pais
: Frans
Otra informas
Profesa
: Scrivor e avionor
Antoine de Saint-Exupery
("antwan de sent-egzuperi", 29 junio 1900?31 julio 1944) ia es un
scrivor
e
avionor
franses
. El es famosa per sua noveleta
La prinse peti
, e ance bon conoseda per sua libros sur aventuras de avioni, cual inclui
Vola de note
e
Tera de omes
.
El ia es un pilote susedosa ante la
Gera Mundal Du
: el ia junta se a la
Armada de Aira
franses a la comensa de la gera, e ia vola en misiones de oserva asta la sesaspara con
Deutxland
. Pos un periodo de scrive en la
SUA
, el ia junta se a la
Armada Franses Libre
. El ia deveni perdeda en un vola de oserva supra la Mar Mediteraneo en julio 1944.
Antoine Jean-Baptiste Marie Roger de Saint Exupery
ia nase en
Lyon
a un familia vea de nobilia provinsal, como la enfante tre entre sinco de
Marie de Fonscolombe
e Viseconte
Jean de Saint-Exupery
, un ajente de securia ci ia mori ante cuando sia fio ia ave an cuatro anios. (Testos legal, cual inclui sua article de nase, mostra no ifen en sua nom de familia. Ma la ifen apare en sua nom de scrivor.)
Pos fali en sua esaminas final a sua scola preparante, Saint Exupery ia entra a la
Scola de Artes Bela
per studia la
arciteta
. En 1921, el ia comensa sua servi militar con la Rejimento Du de Xasores (cavalores lejera armada), e a pos on ia envia el a
Strasbourg
per instrui el como un pilote de avion. En la anio seguente, el ia oteni sua lisensa, e on ia ofre move el a la Armada de Aira. Ma cuando la familia de sua fem prometeda (la novelor futur
Louise Leveque de Vilmorin
) ia oposa, en loca el ia comensa abita en
Paris
e ia es empleada en un ofisia. An tal, la duple ia abandona ultima sua promete de sposi, e Saint Exupery ia labora sin susede en otra postos diversa tra alga anios seguente.
Ma ja en 1926, el ia vola denova. El ia deveni un de la abrivias de la posta airal internasional, en un tempo cuando aviones ia ave poca strumentos. A pos, el ia cexa ce los ci ia vola la aviones plu avansada ia deveni plu simil a contores ca pilotes. El ia labora per la compania
Aeropostale
entre
Toulouse
e
Dakar
.
La nara prima de Saint Exupery,
La avionor
, ia es publicida en la jornal
La barcon de arjento
. En 1929, el ia publici sua libro prima,
Posta sude
; sua carera de avionor ia crese ance rapida, e en acel mesma anio el ia vola la via entre
Casablanca
e
Dakar
. El ia deveni la dirijor de
Cape Jubby
, un campo de avion en
Rio de Oro
,
Maroco
. Ance en 1929, el ia comensa abita en
Arjentina
, do on ia nomi el la dirijor de la compania arjentina de posta airal. On esplora corta esta periodo de sua vive en
Alas de coraje
, un filma
IMAX
par la dirijor franses
Jean-Jacques Annaud
.
En 1931,
Vola de note
? la prima de sua obras major, e la ganiante de la
Prix Femina
? ia es publicida, e Saint Exupery ia deveni famosa. La libro trata sua esperias con la posta airal. En acel mesma anio, a
Grasse
, el ia sposi
Consuelo Suncin
(naseda como Suncin Sandoval), un scrivor e artiste salvadoran viduida. La uni ia es tempestosa, car Antoine ia viaja frecuente e ia adultera multe ? la plu notable con un fem franses, Helene (Nelly) de Vogue, ci ia deveni la esecutor leteratural de Antoine pos sua mori e, su la nom "Pierre Chevrier", ia scrive ance un biografia de el.
A 14:45 de 30 desembre 1935, pos un vola de 19 oras e 38 minutos, Saint Exupery e sua navigor Andre Prevot ia cade en la parte
libi
de la deserto
Sahara
, cisa en
Wadi Natrun
. La ecipo ia atenta vola de
Paris
a
Saigon
plu rapida ca cualce avionor presedente, per un premio de 150 000
frances
.
Ambos ia survive la atera, ma los ia fronti la posiblia de desidrata rapida en la Sahara. Los ia ave no idea de sua loca. En sua raconta
Tera de omes
, Saint Exupery ia dise ce sua sola furnis ia es uvas, du oranias, e un cuantia peti de vino; ma a jornalistes pronto pos sua salva, el ia dise ce los ia ave sola un termos de cafe dulse, alga xocolada, e poca biscotos, sufisinte per susta los per un dia. Los ia alusina par oio e orea; en la dia tre, los ia es tan desidratada ce los ia sesa sua. Final, en la dia cuatro, un
badaui
sur camel ia descovre los e ia salva sua vives.
La fable
La prinse peti
comensa con un pilote abandonada en un deserto, e es un refere partal a esta esperia.
Saint Exupery ia continua scrive e vola asta la comensa de la
Gera Mundal Du
. En la gera, el ia vola inisial un
Bloch MB.170
con la scuadron de la
Armada de Aira
. Pos la sesaspara entre
Frans
e
Deutxland
en 1940, el ia viaja a la
Statos Unida
. El e se sposa ia abita un suteto lusosa a 240 Central Park South en la
Site New York
e un cason luada en
Asharoken
a la costa norde de
Long Island
entre janero 1941 e april 1943, e ance en la
Site Quebec
per un periodo en 1942.
El ia scrive
La prinse peti
en Asharoken entre la media e la fini de 1942; la manoscrito ia es ja completida en otobre.
Pos cuasi dudes-sinco menses en
America Norde
, el ia reveni a Europa per vola con la
Armada Franses Libre
e combate con la
Aliadas Ueste
en un scadron con base mediteraneo. Con 43 anios, el ia es plu vea ca la plu de omes asiniada a tal labora; e sua multe rompes de oso ia dole multe el. On ia asinia el con alga otra pilotes a aviones
P-38 Lightning
, cual un ofisior ia descrive como "aviones fatigada par gera, no secur per vola".
La asinia final de Saint Exupery ia es colie informas sur la moves de la plotones deutx en e sirca la Vale de la
Rhone
, en prepara per la invade de Frans sude par la Aliadas. En la sera de 31 julio 1944, el ia parti de un campo de avion sur
Corse
, e on ia revide nunca el. Un fem ia reporta ce el oserva la cade de un avion sirca mediadia a la prima de agosto, prosima a la Baia de
Carqueiranne
asta
Toulon
. Pos alga dias, on ia trova un corpo nonidentifiable ma vestida en colores franses, e on ia entera el en Carqueiranne en acel setembre.
En 1998, Jean-Claude Bianco, un pexor, ia trova un brasaleta de arjento cual porta la nomes de Saint Exupery, sua sposa, e sua editores (Reynal e Hitchcock). La brasaleta ia es oncida a un peso de stofa, suposable de la vestes de la avionor.
En 2000, Luc Vanrell, un sumerjor, ia trova un avion
P-38 Lightning
cadeda a fondo de la mar a costa de
Marseille
. On ia regania la restas de la avion en otobre 2003. A 7 april 2004, investigores de la Departe Franses de Arceolojia su Acua ia confirma ce la avion es vera lo de Saint Exupery. On no ia trova bucos fusilida, ma sola un parte peti de la avion ia es reganiada. En junio 2004, on ia dona la fratos a la
Museo de Aira e Spasio
en
Le Bourget
.
La loca de la cade e la brasaleta ia es a un distantia min ca 80 cilometres par mar de do on ia trova la soldato franses nonidentifiable en
Carqueiranne
, e lo es ancora credable (ma no confirmada) ce la corpo ia es portada a ala par corentes de mar en la dias pos la cade.
En marto 2008, Horst Rippert, un om con 85 anios ci ia es un pilote de la Armada de Aira deutx, ia anunsia ce el ia cade un avion P-38 Lightning a 31 julio 1944 en lacel area. An tal, fontes contempora, cual inclui sinias intersepida de la Armada de Aira deutx, sujesta forte ce Saint-Exupery no ia cade par causa de fusili par un avion deutx; e los conteni no reporta ce Rippert ia cade un Lightning a acel dia.
An si los no es sever autobiografial, multe de la obras de Saint Exupery ia es inspirada par sua esperias como pilote. Un eseta es
La prinse peti
, un nara poesial cual el mesma ia ilustra, en cual un pilote abandonada en la deserto encontra un prinse joven ci veni de un
asteroide
pico.
La prinse peti
es un nara filosofial, cual critica la sosia e comenta sur la strania de la mundo adulte.
- La avionor
(
L'Aviateur
, 1926)
- Posta sude
(
Courrier Sud
, 1929)
- Vola de note
(
Vol de Nuit
, 1931)
- Tera de omes
(
Terre des Hommes
, 1939)
- Pilote de gera
(
Pilote de Guerre
, 1942)
- La prinse peti
(
Le Petit Prince
, 1943)
- Letera a un ostaje
(
Lettre a un Otage
, 1944)
- Fortres de site
(
Citadelle
, 1948)
- Leteras de jovenia
(
Lettres de jeunesse
, 1953)
- Folios
(
Carnets
, 1953)
- Leteras a sua madre
(
Lettres a sa mere
, 1955)
- Scrives de gera
(
Ecrits de guerre
, 1982)
- Manon, un dansor
(
Manon, danseuse
, 2007)
- Leteras a la nonconoseda
(
Lettres a l'inconnue
, 2008)
Pos cuando Saint Exupery ia desapare, sua sposa Consuelo ia scrive
La nara de la rosa
, publicida en 2000.
En 2000, Jean-Pierre de Villers ia scrive un noveleta cual imajina la nara de la vola final de Saint Exupery,
La vol final de la prinse peti
.