The Bitter Years 1935-1941 ass eng Fotosausstellung , dei 1962 fir de New Yorker Museum of Modern Arts vum Edward Steichen zesummegestallt gi war. D'Fotoe si vun der Farm Security Administration hierkomm, a weisen dei "batter Joren", wou, als Folleg vun der Grousser Depressioun , e groussen Deel vun der amerikanescher Landbevelkerung veraarmt waren.

D'Ausstellung besteet aus 208 schwaarz-waiss Fotoen , dei vun enger Ekipp vun 12 Fotografen, dorenner d' Dorothea Lange , de Walker Evans , de Russel Lee , de Jack Delano an den Arthur Rothstein , fir d' Farm Security Administration (FSA) gemaach goufen. D'FSA war vum amerikanesche President Franklin D. Roosevelt an d'Liewe geruff gi fir de Baueren an Nout ze hellefen.

7 Joer laang sinn des Fotografen uechtert d' Vereenegt Staate gezunn an hunn d'Liewe vun de Leit an hirem Misar op hire Fotoe festgehalen. En ettlech vun de Fotoe waren och scho virun der Ausstellung weltwait an der Press an a Bicher verbreet ginn. Hei an do ass hinne virgeworf ginn, si wiere Propaganda fir dee Programm vun der FSA, deen d'Landwirtschaft sollt erem un d'Rulle brengen.

D'Ausstellung "The Bitter Years 1935 - 1941" ass an den 1990er Jore restaureiert ginn, an 1995 zu Letzebuerg , duerno och a Japan an a Russland , ausgestallt ginn.

Se krut den 28. September 2012 un am freiere Waassertuerm vun der Diddelenger Schmelz , ^[1] deen no senger Restaureierung Deel vun der Galerie Waassertuerm + Pomhouse ass, en definitiivt Doheem.

Literatur [ anneren | Quelltext anneren ]

• Francoise Poos , ed.: "The Bitter Years. The Farm Security Administration Photographs Through the eyes of Edward Steichen", Thames and Hudson), 2012.

Um Spaweck [ anneren | Quelltext anneren ]

• L'humanisme patriarcal , de Christian Mosar iwwer d'Ausstellung; d'Letzebuerger Land , 30. November 2012. archiveiert

Referenzen [ Quelltext anneren ]

1. ↑ "Steichen-Expo am Diddelenger Waassertuerm vu September un." RTL.lu - 25.06.2012, 18:30 | Fir d'lescht aktualiseiert: 26.06.2012, 08:20.