Leonhard Drach
Gebuer	9. Maerz 1903 Oochen
Gestuerwen	12. Januar 1996 Ludwigshafen
Nationaliteit	Daitschland
Aktiviteit	Jurist
Partei	NSDAP
Member vun	Sturmabteilung

De Leonhard ( Leo ( n )) Drach , gebuer den 9. Maerz 1903 zu Oochen a gestuerwen den 12. Januar 1996 zu Ludwighafen war en daitsche Jurist.

Hien huet zu Koln a Bonn Droit studeiert. Zu der Zait vun der daitscher Besatzung vu Letzebuerg am Zweete Weltkrich war hie Staatsanwalt beim "Sondergericht". Hien huet d'Uklo beim Standgeriicht gemaach, dat opgestallt gi war, nodeem et den 31. August 1942 zum Generalstreik komm war, an huet an dar Funktioun 20 Doudesurteeler fir Leit, dei um Streik bedeelegt waren, gefuerdert. Se goufen am KZ Hinzert higeriicht. De Gestapo -Chef zu Letzebuerg Fritz Hartmann huet e kuerz duerno ausdrecklech fir seng " selbstlose kameradschaftliche Einsatzbereitschaft und (…) die erfolgreiche Arbeit im Standgericht " gelueft. ^[1]

Den Drach gouf 1949 am sougenannte Juristeprozess zu 15 Joer an 1951 am sougenannte Standgeriichtsprozess zu 20 Joer Zwangsaarbecht weinst Krichsverbrieche verurteelt. De 24. Dezember 1953 huet de letzebuergesche Justizminister des Strof nees op 15 Joer Zwanksaarbecht erofgesat. 1954 hunn d'letzebuergesch Autoriteiten den Drach begnodegt an entlooss. ^[2]

Hie gouf a Rheinland-Pfalz an de Justizdengscht opgeholl a gouf um Landgericht zu Frankenthal Staatsanwalt an duerno Oberstaatsanwalt ^[3]

Ereischt 1965 ass seng Vergaangenheet nees zum Theema ginn, wei, am Kader vun enger anerer Affar, de Rheinland-pfalzesche Justizminister Fritz Schneider den 22. Dezember ausgesot huet, dem Drach wiere keng Virwerf weinst dese Strofe weinst Krichverbriechen ze maachen. Hien hatt deemools "am gudde Glawe gehandelt, datt dat, wat e gemaach hat, rechtmeisseg gewiescht wier". Et hatt doweinst keng Bedenke ginn, den Drach nees an de Justizdengscht opzehuelen. ^[4]

Den 9. Januar 1966 huet de letzebuergesche Staats- an Ausseminister Pierre Werner beim Ministerpresident vu Rheinland-Pfalz geint dei Ausso protesteiert, an den Drach gouf 3 Wochen drop, zesumme mam Joseph Wienecke , virleefeg vum Dengscht suspendeiert. De Chamberpresident a freiere Justizminister Victor Bodson huet, fir d'Saach ee fir allemol kloer ze stellen, an engem Interview beschriwwen, wei den Drach weinst Lapalien d'Doudesstrof fir Leit gefuerdert huet, an en "dee schlemmsten Uklager warend dem Krich zu Letzebuerg" genannt. De Staatssekretar am Rheinland-pfalzesche Justizministere huet sech doropshin entschellegt a gesot, si hatten naischt dovu gewosst an zouginn, se hatten ni zu Letzebuerg nogefrot gehat, fir iwwer den Drach mei gewuer ze ginn. ^[4]

De Fall gouf am Landesparlament diskuteiert, wou den CDU -Fraktiounschef Helmut Kohl sot: ?Der Geist der Entnazifizierung kann nicht standig heraufbeschworen werden. Wenn es nicht gelingt, die Generation, die einst das Dritte Reich getragen hat, in die Demokratie einzugliedern, wird es nie eine lebendige Demokratie geben. " Hie war awer och dogeint, datt Leit wei den Drach, weinst hirer "Kriegstatigkeit", als Procureur oder Riichter schaffe keinten. ^[4]

De Fall Drach gellt als exemplaresch, wei Juristen, dei an der NS-Zait gewierkt hunn, duerno an der westdaitscher Administratioun ennerdaach koumen a Karriar gemaach hunn.

Literatur [ anneren | Quelltext anneren ]

• "Der Fenstersturz". In: Der Spiegel 03.02.1965, S.34
• "Lob im September". Der Spiegel 05.05.1965, S.66
• Braunbuch. Kriegs- und Naziverbrecher in der BRD und Westberlin. Nationalrat der Nationalen Front des Demokratischen Deutschland, Dokumentationszentrum der Staatlichen Archivverwaltung der DDR, Staatsverlag der Deutschen Demokratischen Republik. Berlin 1968

Referenzen [ Quelltext anneren ]

1. ↑ Ziteiert no: "Lob im September". Der Spiegel 05.05.1965, S.66
2. ↑ "Ein Anklager wird Angeklagt". Die Zeit 5. Februar 1965, Nr 6/1965 Archiveiert de(n) 2013-06-12. Gekuckt de(n) 2009-02-24.
3. ↑ "Tater im Dritten Reich"
4. ↑ ^{4,0 4,1 4,2} "Ein Anklager…" wei uewen.