- Este artikolo uza la grafia de
Aki Yerushalayim
para la
lingua judeo-espanyola
. Mersi muncho por mantener el artikolo uzando este estil.
Estado de Quintana Roo
?????? ?? ?????? ??
Estado de Quintana Roo
|
Quintana Roo
o el
Estado de Quintana Roo
, ofizialmente yamado Estado Livre i Soberano de Quintana Roo. Es una de las 32 entidades federalas del
Meksiko
ke topa al sudeste del paiz, la su kapitala es
Chetumal
i la sivdad mas grande es
Cancun
. Estado aze frontiera kon los estados de
Campeche
i
Yukatan
; al sud aze frontiera internasionala kon
Belize
.
O nombre del estado es en onra a
Andres Quintana Roo
(1787?1851), politiko, eskritor, poeta i jornalista, nasido en
Merida
e hue finado enla
Sivdad de Meksiko
. Hue diputado
insurgente
i uno delos firmadores del
Akta de Independensia de Meksiko
.
El territorio ke okupa el actual estado de Quintana Roo hue morado por el antiko
puevlo maya
. Ay munchos restos arkeolojikos ke dan muestra del pasado de una grande sivilizasion del olam, estos zon
Chacchoben
,
Chakanbakan
,
Chamax
,
Coba
,
Dzibanche
,
Ichpaatan
,
Kohunlich
,
Muyil
,
Oxtankah
,
Tankah
,
Tulum
,
Tupak
,
Xel-Ha
i
Xcaret
.
Durante el sieklo XIX, la
peninsola de Yukatan
hue esena de los mayas mansevos ke pelearon kontra los azendados de orijen espanyol. El prezidente
Porfirio Diaz
bushkava el kontrol economiko i politiko de la fronteera kon
Belize
i la eksplotasion de estas rikas tierras en rekursos naturales. El 24 de noviembre de 1902 se kreo el Territorio Federalo de Quintana Roo kon una ekstension de 50.000 km².
El 2 de septiembre de 1974 el prezidente Luis Echeverria mando al Kongreso de la Union una inisiativa de ley para ke Quintana Roo i Basha Kalifornia Sud hueran elevados a la kategoria de estados o entidades federalas. Tras la aprobasion de las ledjislaturas estatalas, el 8 de oktubre de 1974 Quintana Roo hue deklarado komo estado livre i soberano kon los mismos limites y ekstension ke se le abia dado en 1902. David Gustavo Gutierrez Ruiz hue nombrado governador provisional.
El territorio de Quintana Roo komparte frontiera internasionala kon
Belize
al sud i al norte kon el
Golfo de Meksiko
; al oeste linda kon el estado de Campeche, al nordoeste kon el estado de Yucatan al este kon la Mar Karibe. El estado es apartajado en onze belediyes, la kapitala es
Chetumal
. La entidad es parte de la Peninsola de Yukatan i es el estado mas oriental del paiz.
El estado konta kon izlas avitadas en las aguas de la Mar Karibe komo la izla de
Cozumel
, la
Izla Mujeres
I la izla
Xolbox
, endemas ay otras izla ke oy endia zon reserva de la natura komo izla
Kontoy
i el
Banco Chinchorro
.
En el estado de Quintana Roo ay dos kimas, el noreste es de klima poko seko, ande los kaktos tyenen muchiguamiento; la mayor parte del territorio estatal es shara tropikala kon luvias en verano.
Es uno de los estados de paiz kon grande muchiguamiento dentro del turizmo, la prinsipala aktividad ekonomika i la emportante kavida de dinero, konta kon munchos atraktivos para el turizmo nasionalo e internasionalo, ay en el estado kuatro ayroportos internasionales kon arrivadas prinsipalmente delos Estados Unidos, Kanada i la Evropa.
El estado es grande produktor de otros produktos agrikolas komo el maiz, el papaya, la chile, el frejol, la guava i el tomat.
Asegun los datos del
II Censo de Poblacion y Vivienda
yevado akabo por el
Instituto Nacional de Estadistica y Geografia
(INEGI) kon data de empadronamiento del
12 de djunio
de
2010
, el estado de Quintana Roo kontaba azta ese anyo kon un total de 1.325.578 avitantes, de dicha kantidad, 673.220 hueron ombres i 652.358 hueron mujeres. La tasa de muchiguamiento anual para la entidad durante el periodo 2005-2010 hue del 3.1%.
[1]
Quintana Roo es tierra ande las manifiestos mayas de han dado, en denantes azta oyendia; el puevlo maya, por modre es parte de las grandes sivilizasiones del olam. Aki distaka la arkitektura, la muzika, el kanto, la lingua maya de Yukatan, la eskultura, la pintura i el lashon de los puevlos indijenas. Los mayas antikos hueron grandes mazales del arte i desharon emportantes aportos dela su kultura enel estado i en Meksiko.
Entre las kulturas populares estan las vakerias, fyestas ande ay toradas, danza i muzika.
- ↑
INEGI
, tasa de muchiguamiento de la povlasion; 13 de marzo de 2017.