Kasablanka

????? ???????
Kasablanka
????????

Paiz

Marroko

Pozision

33°34′ N 7°36′36" O

• Altura

58 m

• Distansia

101 km a Rabat

Superfisia

n/d

Povlasion

2.949.805 mor. (2004)

• Densidad

9.132 ab./km²

Jentilisio

n/d

Alkalde

Mohammed Sajid

Pajina web

http://www.casablanca.ma

Kasablanka (en arabo (????? ???????) es una sivdad del norte de Marroko , kapital de la rejion de Grande Kasablanka (en fransez : Grand Casablanca; en arabo ??? ????? ??????? ??????) i yamada D?r El Bei?? (la kaza) en arabo darija o tambien K?z? por los abitantes de la sivdad. Es la mas grande sivdad de Marroko , kon unos 3.9 milyones de abitantes en la su area metropolitana i endemas es el su puerto mas emportante, la sede de munchas kompanyias marrokanas i ajenas, de la kaza de bolsa de Marroko, konosida komo La Bourse de Casablanca i endemas, el mas grande aeroporto del paez, el Ayroporto Internasional Mohammed V (en arabo ???? ???? ?????? ??????), se topa en Kasablanka, i el su porto, es el mas grande porto de Marroko i uno de los mas grandes portos artifisiales del mundo. Esta konsiderada la kapital ekonomika del payis anke la kapital ofisiala i sede de la kaza real i del governo nasional es Rabat . Se topa al oeste, en la beira del Oseano Atlantiko .

Istoria de la komunita djudia de Kasablanka [ trocar | trocar el manadero ]

Kuando los portugezos destruyiron la sivdad antika de Anfa enel anyo 1468, ya egzistia una komunita djudia en la sivdad. Los djudios tornaron a la sivdad poko a poko, ma para el anyo 1750 bivian sufisientes para fraguar la primera esnoga en Kasablanka, la Esnoga Rab Elijah, la ke fue destruyida komo kaji toda la sivdad en el tremblor de tierra de 1755.

Para el empesijo del syeklo XX, la komunita djudia de Kasablanka tenia unos 6.000 djudios, ke eran mas del 25% de la poblasion total de la sivdad. Desde el empesijo del syeklo XX, Kasablanka esta asosiada kon el djudaismo mas ke otra sivdad del Maghreb, en parte por el dezvelopamiento de estrukturas sosyalas para la komunita i tambien deke diskues del Olokosto , munchos djudios del mundo kolavoraron para defender i protejer la grande komunita de la sivdad.

Entre los anyos 1940 i 1960, la komunita djudia de Kasablanka era de unos 70.000 abitantes. Pero la emigrasion asia Fransia , ( Quebec ) Kanada , Venezuela , Arjentina , Yisrael i los Estados Unidos desde Kasablanka a sido grande. Sin embargo, munchos djudios ke emigraron a estos payises ainda konservan pasaporto marrokano i sobre todo identidad y orgolyo de las sus raizes Marrokanas. Oy endia ay unos 6.000 djudios en la sivdad. En Kasablanka se topan varias esnogas:

El Konsejo de Komunitas Djudias Marrokis ( Conseil des Communautes Israelites du Maroc en franses ), en 1, Rue Adrienne Lecouver;
La Esnoga Bet-El , en 67, Verlet-Hanus
La Esnoga Tehila Le David , en Bd du 11 Janvier;
La Esnoga Benarroch , en la Rue de Lusitania
La Esnoga Em-Habanime , tambien en la Rue de Lusitania
El Centre Habad Lubavitch au Maroc , en 10, Rue Washington, i
El Kollel Avrehim Lubavitch Neve Shalom , en 16, Rue Abderrahman Sehraoui.

Lugares de entereso [ trocar | trocar el manadero ]

En Kasablanka esta la Mishkita Hassan II (en arabo ???? ????? ??????), la mas grande mishkita de todo el mundo. La kula de el su minarete es tambien la mas alta del mundo, kon 210 metros de altesa. Fue konstruida por el anterior rey Hassan II i aperturada enel anyo 1993. Fue disenyada por el arkitekto franses Michel Pinseau. La su konstruksion kosto aproksimadamente unos 5494 milyones de dirhams de Marroko (unos 504,85 milyones de euros ). Puede albergar asta 100.000 kriyentes: unos 80.000 en el kortijo y aprkosimadamente 25.000 en la sala de arrogamientos.

El Casablanca Twin Centre es un komplejo de dos kulas, kada una de 28 pisos y 115 metros de altesa, disenyado por el arkitekto katalan de orijin djudio Ricardo Bofill Levi . Las kulas fueron aperturadas en 1999 i son endagora las kulas mas altas de todo el Maghreb i las dosenas kulas mas altas de toda Afrika , dempues de la kula Carlton Centre , en Djohannesburgo , Akfrika del Sud , anke la kula de TV Cairo Tower en Ayifto , tiene 187 metros de altesa, ma no es un edifisio.

Sivdades ermanas [ trocar | trocar el manadero ]

Klika aki para ver las imajes de Commons ensima de Kasablanka .