Este artikolo uza la grafia de Aki Yerushalayim para la lingua judeo-espanyola . Mersi muncho por mantener el artikolo uzando este estil.

AMOS (en ivrit ???? ) es el nombre de una serie de satelits de komunikasiones yisraelianos . Los satelits AMOS son dezvelopados i konstruyidos por Israel Aircraft Industries i operados por la entreprisa privada yisraeliana Spacecom .

• AMOS 1 fue el primer satelit de komunikasiones yisraeliano. El su dezvelopamiento esta bazado en la eksperiensia aresivida kon los satelits de rekonosimyento Ofek , en kondjunto kon DASA i Alcatel Espace . Fue lansado el 16 de Mayo del anyo 1996 desde el Sentro Espasial Guayanez en Kourou , Guayana Fransesa por una raketa Ariane . Se topa aktualmente en servis para transmisiones de televizyon de tipo DBS / DTH por la entreprisa Yes i por HBO i otras en Evropa . Space Communications Ltd. (Spacecom) tuvo una gran reushita komersiala al kompletar la kapachita de transmision de AMOS 1 pishin i endemas akumular dimandas adisyonalas, lo kualo motivo a la kompanyia a ampliar las sus aktividades i empiesar la kriasiyon de AMOS 2 , del kualo es la unika propietaria.

• AMOS 2 fue lansado el 28 de Disiembre del anyo 2003 desde Baikonur , Kazakistan i da servisio a klientes en tres diferentes rejiones: el Medio Oryente (inkluyendo Yisrael ), Evropa i la beira Este de los Estatos Unitos d'Amerika . Los servisios ke ofrese AMOS 2 son: Distribusiyon direkta de traduksiyones de TV i radio ; traduksiyones de TV i radio a sentros de komunikasiones; distribusion de servis de internet i transmision de datos a redes de komunikasiones.

Amos 1 i Amos 2 se topan en el espasio el uno serka del otro, para kriar una ubikasiyon en komun, lo kualo permite a los uzuarios de ambos satelits aumentar las sus opsiones de komunikasion sin tener ke merkar o instalar chanakas adisionalas.

• AMOS 3 fue lansado el 24 de Avril del anyo 2008, ^[1] logrando empiesar la su operasiyon kon reushita. El satelit, kon un kosto de 170 milyones de dolares , esta disenyado para ofreser mayor kapachita, kovertura i enlasos amijorados entre Evropa , el Medio Oryente i la Beira Este de los Estados Unidos . Va permaneser aktivo por los sigintes 18 anyos. AMOS 3 va sustituir al satelite AMOS 1. Esta ubikado a 4°O en el Ekuador, al igual ke los sus ermanos Amos 1 i Amos 2.

• AMOS 4 era lansado al espasio el 31 de Ogusto de 2013 ^[2]

• AMOS 5 fue lansado el 11 de Disiembre de 2011 ^[3] i kuvija kon la su sinyal Afrika , ansina komo Evropa i Medio Oryente . Se topa en la lonjitud 17°E.

• AMOS 6 va ser yevado al espasio en 2016 i va trokar al satelit AMOS 2 ; ^[4] va ser fabrikado por Israel Aerospace Industries .

Atamientos eksternos [ trocar | trocar el manadero ]

• Informasiyon ofisiala enel sitio web de la kompanyia Spacecom ( en lingua inglesa )

Referensias [ trocar | trocar el manadero ]

1. ↑ After delay, Amos 3 satellite to launch into orbit on Monday
2. ↑ Israeli company successfully launches Amos 4 satellite ( en lingua inglesa )
3. ↑ Amos 5 satellite launched into space . YNet
4. ↑ Israel’s domestic satellite industry saved . Jerusalem Post . Meldado el 9 de Julio de 2012. ( en lingua inglesa )