Nathan Bailey (mortuus die 27 Iunii 1742 ) fuit lexicographus et philologus Britannicus , auctor principalis dictionarii cuius titulus est Dictionarium Britannicum : a more compleat universal etymological English dictionary than any extant , anno 1730 edito, adiuvantibus Philippo Miller botanista necnon G. Gordon mathematico; cuius origo fuit lexicum minus anno 1721 a Bailey solo divulgatum, titulo An universal etymological English dictionary . Nathan Bailey alios libros edidit, inter quos Dictionarium domesticum , opusque Colloquia familiaria Erasmi Roterodami Anglice vertit. Ad ecclesiam Septimi Diei Adventistarum ab anno 1691 haerebat; scholam in oppido Stepney iuxta Londinium tenebat.

Dictionarium Britannicum fuit fons principalis operis lexicographici Samuelis Johnson ; exemplar enim paginis inanibus interfoliatum Johnson ad exscribendum A Dictionary of the English Language adhibitus est.

Bibliographia [ recensere | fontem recensere ]

• " Bailey, Nathan or Nathaniel " in Encyclopaedia Britannica . 11a ed. (Sicagi, 1911) html djvu
• "Bailey, Nathan or Nathaniel" in Dictionary of National Biography edd. Leslie Stephen , Sidney Lee . 63 voll., 3 voll. suppl. (Londinii, 1885-1901 ~ )