Ioannes Sycutres
(vere
Ιω?ννη? Συκουτρ??
; natus die
1 Decembris
1901
Smyrnae
, mortuus die
21 Septembris
1937
Corinthi
) philologus
Graecus
fuit.
Sycutres in Smyrna adhuc Graeca natus est, ubi illustrem
Scholam evangelicam
frequentavit. A magistris maxime laudatus stipendium archiepiscopo iuvante nactus est, ut
Athenis
ex anno 1919 studeret. Smyrna a Turcis capta studia interrupit et tamquam magister auxiliaris in
Cyprum
iit.
Bello Graeco-Turcico
peracto annis 1924 et 1925 Athenis studia universitaria terminavit antequam plures in annos iter
Germanicum
facturus esset. Lipsiam primo vidit sed
Berolini
triennium peregit. Anno ibi novissimo Operis fundati Humboldtiani adiutorio fructus est. In
Alma matre Berolinensi
eum maxime moverunt domini
Udalricus de Wilamowitz-Moellendorff
,
Gulielmus Schubart
et
Paulus Maas
.
In Graeciam reversus unum annum Athenis in
Arsaceo
docebat et bibliothecarii munere in Academia fungebatur. Denique docens universitarius proclamatus est. Anno 1933 vocationi in
Universitatem Carolinam Pragensem
oboedire non potuit. Annis insequentibus saepe criticatus est ob explorationes de mollitiis corporis et intercutibus stupris et de
Symposio Platonico
factas. Anno 1937 semestri hiemali ineunte sibi mortem conscivit.
In Graecia ipsa Sycutres notus factus est cum
Aristotelicam
Poeticam
et Platonicum
Symposium
convertisset. In Germania autem sibi gloriam peperit multis symbolis scientificis annis 1920 et 1930 exaratis. Praesertim ei fuerunt instinctus et afflamen commentariorum atque emendationum in epistulas antiquas faciendorum. Indagationes eius de vetustate et auctoritate epistularum Socraticarum, quae dicuntur, multas novas vias in philologia patefecerunt atque aperuerunt.
Ea omnia honorans Academia Atheniensis bibliothecam quandam pro isto philologo nominavit.
- Διον?σιο? Αλικανι?τη?:
Ιω?ννη? Συκουτρ??. Η ζω? του: 1901?1937.
Κ?κτο?, Athenis 2007.
- Ioannis Kakridis:
Johannes Sykutris
, apud:
Biographisches Jahrbuch fur Altertumskunde
275 (1941), p. 37?48.
- Alfred Korte:
Johannes Sykutris †
, apud:
Gnomon
14 (1938), p. 62?64.
- Costas P. Kyrris:
? ?ω?ννη? Συκουτρ?? κα? ? Κ?προ?
, apud: Κυπριακ? Χρονικ? 1963, p. 368?379.
- Παναγι?τη? Μαστροδημ?τρη?:
Ιω?ννη? Συκουτρ?? ? Λ?νο? Πολ?τη?: το χρονικ? μια? φιλολογικ?? αντιδικ?α?.
Apud:
Η Νεοελληνικ? σ?νθεση. Θ?ματα και κατευθ?νσει? τη? νεοελληνικ?? λογοτεχν?α?.
Νεφ?λη, Athenis 1999, p. 315?333.