Iacobus Ludovicus
Jacques-Louis
Mahe
cum
pseudonymo
Lorjak
(natus die
12 Aprilis
1912
Lutetia
, mortuus ibidem die
4 Augusti
1992
)
Francogallus
photographus, pellicularum confector et
Esperanticus
auctor fuit.
Mahe
idioma Zamenhofianum
edidicerat anno 1932; photographus cinematographica arte valde alliciebatur. Immo ipse primas pelliculas mundo Esperantico donavit. Anno 1937 edita est pellicula commendaticia atque praeconiaria sonis carens secundum opusculum
Anta?en
anni 1936. Ostendebatur prima vice in congressu
De Esperanticis in moderna vita
(Esperanto en moderna vivo). Ibi scaenas absurdas legere et videre potes, quae ex erroribus inter homines sermone diversos nascuntur. Actores esperantistae circuli Esperantici Parisiensis fuerunt. Ex quibus optimus amicus
Petrus Petit
, consociationis Francogallicae Esperanticae praeses, et postea cooperationes varias cum Mahe porro habebat.
Anno 1963 Mahe pelliculam longam omnino Esperantice confectam exaravit de fictione scientifica. Id opus praetitulatum
Angoroj
usque dies nostros specie sua unicum est. Histriones venerunt e turba Theatri internationalis artificiosi (Internatia Arta Teatro): Ioanna Rav?elj, Marcus Darnault, Srdjan Flego; brevissime in quadro visifico apparuerunt
Raimundus Schwartz
, Rogerius Bernard,
Ioannes Thierry
, Michael Duc Goninaz et alii. Ibi sat bene argumenta criminalia cum sale miscentur et allusio fit de notionibus Esperanticis et de moribus esperantistarum quibusdam. Proiectio publica facta est in multis congressibus criticam optimam acceptura. Versio eadem in taenia venalis quoque prostabat. Iacobo Ludovico Mahe valde placuit ut ipse scaenarum ordinatores alios criticaret in periodico Esperantico Francogallico praetitulato "Franca Esperantisto". Res tales pseudonymo
A. Mickey via
signare solitus est.
Partes alteras egit Mahe nempe hominis sub pseudonymo
Lorjak
scribentis.
Mythistoriae
et fabellae eius elegantissime pactae elementa linguistica ad ludos adhibent. Dicunt Mahe creasse genus scribendi proprium. Habetur fabula Milesia quaedam de Lutetia saeculi XVII opus eius magnum, cui titulus
Regulus
.
