Agesipolis I (rex Spartae)

Agesipolis I fuit rex Spartae e gente Agiadum ab anno 394 usque ad 380 a.C.n. . Patri Pausaniae , ob res bello male gestas morte damnato, successit et consortem regni e gente Eurypontidum Agesilaum II habuit. Morbo obiit dum bellum cum Olynthiis gerit. Frater Cleombrotus tum ei successit.

De moribus [ recensere | fontem recensere ]

Virum mitem et moderatum ^[1] fuisse Agesipolim ab auctoribus antiquis omnibus traditur. Admodum adulescentulus primis annis regni sui rebus publicis non multam operam dedit, nec tam bello gaudebat quam iuvenilibus studiis : amoribus ^[2], venatione, arte equestri. Postea velut dux fuit partium quae Agesilao Spartae adversabantur. Quamquam adversarii in republica erant ^[3], tamen Agesipolis et Agesilaus bona concordia atque comitate inter se utebantur ^[4]. Illacrimasse etiam iunioris collegae morti Agesilaum auctor est Xenophon .

De rebus bello gestis [ recensere | fontem recensere ]

Adulescentulus ^[5] erat cum regnare coepit : itaque primis annis regni sui non ipse bello imperabat, sed tutor eius Aristodemus. Anno 388 a.C.n. primum, exeunte bello Corinthio , dum Agesilaus in Acarnania bellum gerit, adversus Argivos exercitum duxit atque eorum fines vastavit. ^[6] Postea anno 385 a.C.n. Mantineam , ob gliscentes opes vicinis Lacedaemoniis suspectam, aetate Agesilaum dissuadente ne ipse bellaret, iussu ephororum et senatus obsedit atque ad deditionem perduxit ^[7]. Clemens erga duces hostium fuisse dicitur, precibus indulgens patris Pausaniae qui tum Tegeae exsulabat atque multos amicos Mantineae colebat. ^[8] Urbs ipsa solo adaequata est postquam incolae sedes suas transferre coacti sunt.¨Postremo in locum Phoebidae ad Olynthum contra foedus Chalcidicum missus est. Ibi Toronen, urbem sociam Olynthiorum, expugnavit atque bellum iam feliciter peracturus erat, ^[9] cum morbo obiit. Corpus eius melle inlitum Spartam reportatum est. ^[10]

Fontes [ recensere | fontem recensere ]

Aristoteles , Ars Rhetorica II.23.11.
Diodorus Siculus , libro quinto decimo Bibliothecae historicae 19(4), 22(2), 23(2).
Pausanias libro tertio Graeciae descriptionis 5.7 - 5.9
Plutarchus , Vita Agesilai XX,7-9.
Xenophon , Hellenica libris IV-V.

Notae [ recensere | fontem recensere ]

↑ Plut . Ages . XX,7. Diod. Sic . XV,19,4 : "ε?ρηνικ?? ?ν κα? δ?καιο?" ('paci pronior atque iustus').
↑ Plut . Ages . XX,8-9. Xen . Hell V,3,20.
↑ Diod. Sic . XV,19,4. Hell V,3,20 (?ντιπ?λο?).
↑ Hell . V,3,20.
↑ Hell . IV,2,9 : "πα??".
↑ Hell . IV,7,2-9.
↑ Pausanias VIII.8.7-9
↑ Hell . V,2.
↑ Hell . V,3,8-10.
↑ Hell . V,3,19.

Bibliographia [ recensere | fontem recensere ]

Rice, G. (1974), "Agesilaos, Agesipolis and Spartan politics", Historia 23: 164-182.

[1] Plut . Ages . XX,7. Diod. Sic . XV,19,4 : "ε?ρηνικ?? ?ν κα? δ?καιο?" ('paci pronior atque iustus').

[2] Plut . Ages . XX,8-9. Xen . Hell V,3,20.

[3] Diod. Sic . XV,19,4. Hell V,3,20 (?ντιπ?λο?).

[4] Hell . V,3,20.

[5] Hell . IV,2,9 : "πα??".

[6] Hell . IV,7,2-9.

[7] Pausanias VIII.8.7-9

[8] Hell . V,2.

[9] Hell . V,3,8-10.

[10] Hell . V,3,19.

[1]

[2]

[3]

[4]

[5]

[6]

[7]

[8]

[9]

[10]