Wikipedia, erkin enciklopediya
Puqarasızlıq
shaxstın' hesh bir milliy mamlekettin' puqarasızlıg'ına iye bolmawı. Puqarasız shaxslar (apatridlar) huqıqsız bolmawı kerek. Ulıwma olardın' huqıqıy da'rejesi olar jasap atırg'an mamlekettin' ishki nızamları menen belgilenedi. Ozbekstanda puqarasız shaxslardın' da'rejesi sırt ellik puqaralardın' da'rejesine ten'lestirilgen. Bunda tek bir ayrıqshalıq bar, yag'nıy olarg'a sırt el diplomatiyalıq wa'kilxanaları ja'rdem ko'rsetiwge haqılı emes. Olar sırt el puqaraları kibi a'skeriy minnetke ha'm saylaw huqıqlarına iye emes. Puqarasız
shaxslarg'a
da sırt el puqaraları usap ayrım ka'siplik shekleniwler qollanıladı. Ozbekstan ishki ilajlar menen sheklenip, puqarasız shaxslarg'a tiyisli hesh bir xalıqaralıq sha'rtnamada qatnasqanı joq. Ma'selen, Ozbekstannın' puqaralıq haqqındag'ı nızamına muwapıq Ozbekstan aymag'ında tuwılg'an puqarasız shaxstın' perzenti Ozbekstan Respublikası puqarası esaplanadı.
?shki
nızamlarda
qanday hu'jjetler ha'm faktorlar shaxstın' anaw yamasa mınaw mamleket puqarası ekenliginin' da'liyli bolıp xızmet etiwin belgileydi. Ozbekstan Respublikasının' Puqaralıq haqqındag'ı nızamına muwapıq puqaralıqtı tastıyıqlawshı da'slep pasport, pasport alg'ang'a shekem tuwılg'anlıq haqqındag'ı guwalıq esaplanadı. Ko'p sırt el mamleketlerinde sudta puqaralıqtı anıqlaw protsedurası bar.
