Hangeul diripta dening
Raja Sejong kang Agung
. Sabanjure, ing taun 1446, Hangeul ditampilake sajeroning wangun kapublikasi dipepaki nganggo pedoman wedharan rinci. Sejong menehi jeneng alfabet iku
Hunminjeongeum
("Swara kang bener kanggo diajarake marang rakyat"). Alfabet iki saiki dijenengake Hangeul kang tegese "alfabet Han" utawa "alfabet Agung". Saben tanggal 9 Oktober ing
Korea Kidul
dipengeti minangka
Dina Hangeul
.
Kaunggulan
besut
Saka 6000
basa
kang dituturake ing donya wektu iki, mung 100 basa kang duwe aksara dhewe, salah sawijine ya iku
Basa Korea
kang migunakake sistem panulisan Hangeul. Hangeul iku siji-sijine aksara kang diripta dening individu dhedhasar teyori lan maksud kang wis direncana kanthi apik.
Dibandhing aksara bangsa liya, Hangeul ora didhasarake ing sawiji
basa tulis
utawa niru aksara liya, nanging unik khas Korea. Luwih-luwih, Hangeul minangka sistem panulisan kang asipat
elmiah
, didhasarake ing kawruh basa kang jero lan asas-asas filosofis saengga dadi praktis, gampang disinaoni, lan elok rupane.
Asas-asas Hangeul
besut
Sajeroning saperangan gedhe sajarahe, rakyat Korea nulis nganggo
aksara Cina
(
Hanja
). Amarga basa tutur bangsa iki asal saka kulawarga kang beda, basa Korea ora bisa kanthi persis dituturake sajeroning aksara Cina. Sajeroning
basa Cina
, kalimat ditandhani nganggo
partikel
, dene sajeroning basa Korea, panambang dipigunakake kanggo nambah utawa modifikasi makna. Sanadyan ora nyaman, kaum bangsawan Korea (
yangban
) tetep nyengkuyung panganggoning hanja kanthi teguh.
Raja Sejong minangka pamimpin uga
elmuwan
, lan pelopor
budaya
. Liwat upaya mataun-taun, dheweke nliti unit dhasar Basa Korea migunakake kawegigane dhewe ing bab basa, lan wekasane kasil nganggit aksara kanthi wangun,
Hunminjeongeum
.
Tulisan ing
Sejong Sillok
, volume
Joseon Wangjo Sillok
(Babad Joseon) tanggal 30 Dhesember taun angka 25 masa Sejong kuwasa, unine:
|
Sasi iki, Raja wis ngripta 28 aksara Onmun (aksara tutur) kanthi pribadi...Sanadyan prasaja lan ringkes, aksara iki bisa ngasilake variasi-variasi ora kinira akehe lan dijenengake Hunmin Jeongeum.
|
|
Adhedhasar "Wedharan lan Conto-conto Hunmin Jeongeum" (1446): lambang konsonan dhasar kaentuk kanthi sistematis dhedhasar organ
cangkem
manungsa nalika ngucapake sawatara jinis
swara
, dene konsonan liya diwangun kanthi nambahake guratan ka 5 wangun dhasar.
Uga delengen
besut