Yma Sumac
, pseudonimo di
Zoila Augusta Emperatriz Chavarri del Castillo
(
Ichocan
,
13ma di septembro
1922
-
Los Angeles
,
1ma di novembro
2008
), fameskis kom
Peruana
kantisto dum la yari kinadek kom interpretinto di exotika muziko. El fameskis precipue pro elua voc-atingebleso, qua kontis quar oktavi.
Yma Sumac en Italia
La persono Yma Sumac (elua nomo anke espelesas Ymma Sumak, o Imma Sumack) esas kovrit en nebulo. Tale esis dum longa periodo necerteso pri elua nomo, nasko-dato e nask-urbo. Pos elua morto klareskis pro la nasko-dokumento ke Yma Sumac naskis ye la 13ma di septembro 1922 en Ichocan (Ichokan), distrikto en
Peru
. Altra dati mencionit en diferanta biografii varias de 1921 til 1929.
Existas rumori ke Yma Sumac ne esis Peruana, ma
Usana
, naskinta en
Brooklyn
, kun nomo Amy Camus (literi inversa de Yma Sumac), qui ja senmaskesis kom esante fablo en la yari kinadek. Elua nomo di artisto esas derivita de ta di elua matro: Ima Shumaq,
Quechuana
por "Quale bela".