Anciena quartero di Utrecht.
Utrecht
esas la precipua e maxim granda urbo di la
samnoma provinco
, en
Nederlando
. Segun statistiki por 2020, ol havis 358 454 habitanti. Lua tota
surfaco
esas 99,21 km². Utrecht esas la quaresma urbo en Nederlando egarde habitantaro.
La centrala quartero di Utrecht havas multa strukturi de la
mezepoko
. La Katedralo di St Martin esas notinda pro olua
Gotik arkitekturo
.
L'Universitato di Utrecht, establisita ye la 21ma di marto 1636, esas la maxim granda universitato en Nederlando, havanta plu kam 31 mil studenti. L'urbo anke havas altra universitati e fakultati e, pro lua centrala lokizo en la lando, ol esas importanta centro por transporti choseala e ferovoyala. La maxim importanta ferovoyala staciono di Nederlando,
Utrecht Centraal
, jacas ibe.
