Sao Luis
esas chef-urbo di
Braziliana
stato di
Maranhao
. Segun la
demografiala kontado
di 2022 ol havis 1 037 775 habitanti
[1]
, esanta la maxim populoza urbo di Maranhao e la 4ma maxim populoza urbo di
Nord-estala regiono Braziliana
. Lua tota
surfaco
esas 583 km².
Ol esas importanta
industriala
centro, pro ke multa granda entraprezi instalis su en la regiono. Lua
portuo
, nomizita Itaqui, esas la 2ma maxim profunda de Brazilia, ed uzesas por exportaco di
fer-erco
e
soyo
ad
Usa
ed
Europa
. L'
indexo pri homala developeso
dil urbo segun datumi de 2010 esas 0,768, la 3ma maxim alta inter la chef-urbi di nord-estala stati. Nun,
turismo
ank esas importanta fonto di revenui por la urbo, nome pro sua plaji, qui esas multe prizata da viziteri.
L'urbo havas quar importanta publika
universitati
: La Federala Universitato di Maranhao (UFMA), la Statala Universitato di Maranhao (UEMA), l'Instituto Statala pri Eduko, Cienco e Teknologio di Maranhao (Portugalane:
Instituto Estadual de Educacao, Ciencia e Tecnologia do Maranhao
) e la Federal Instituto di Maranhao.
Fondita en 1612, Sao Luis esas la sola chef-urbo di stato en Brazilia fondita da
Franci
, pose okupita da Portugalani, invadita da
Nederlandani
en 1641 ed itere kaptita da Portugalani en 1644. En 1997, lua historiala centro deklaresis Mondala Patrimonio di la Homaro, da
UNESKO
.
La
reliefo
di Sao Luis esas plana, havanta multa plaji,
duni
e basa arei konsistanta ek sedimenti. L'urbo okupas parto dil insulo Upaon-Acu, e kelka insuleti vicina, exemple Taua-Mirim e Taua Redondo. Lua mezavalora
altitudo
esas 4 metri.
Existas fluvii trairanta Sao Luis. La maxim importanta esas fluvio Bacanga, longa de 233,84 kilometri, ed Anil, longa de 12,63 km. Sao Luis jacas an la limito di du
ekosistemi
: l'Amazoniana e la Nordestana. Nativa vejetantaro prezervesas en parki, exemple Statala Parko
Bacanga
, kun 3 156 hektari, l'Ekologiala Parko "Laguno
Jansen
", kun 150 hektari, e la Statala Parko
Sitio do Rangedor
, kun 121 hektari.
La
klimato
di Sao Luis esas
tropikala
varma e humida (
Am
segun la
klimatala klasifikuro da Koppen
) an la limito kun la klimato di
savano
(
As
). La mezavalora temperaturo dum tota la yaro esas cirkume 26,1°C.
La mezavalora yarala
pluvo-quanto
dil urbo esas 2290 mm. Pluvas dum la maxim multa monati, plu intense de januaro til la duimo di mayo e maxime en aprilo, kun mezavalore 475,9 mm. Tamen, existas sika sezono de agosto til novembro. L'
atmosferala humideso
sempre superiras 70% dum tota la yaro, mem dum sika monati, ed atingas 90% en
aprilo
.