Pierre Loti
(ilua originala nomo esas
Julien Viaud
, n. ye la
14ma di januaro
1850
til la
10ma di junio
1923
) esis verkisto ed oficiro di la Franca mar-armeo.
Literaturala komentisto Angla skribis:
|
Multa de lua maxim bona libri esas longa singluti di remorsoza memoraji, tante personala, tante intima, tale ke Angla lektanto esas astonata, trovar tanta profundeso di sentado konciliebla kun la habileso minucieme e publike registragar to quo esas sentata.
|
|
Il havis navala kariero, e dum ilua navala instrukteso il rezidis dum du monati en 1872 en
Tahiti
. Il pose skribis Polineziana idilio
Le Mariage de Loti
(1880); sur ca rakonto fondesis la opero
Lakme
da
Leo Delibes
. Lua voyaji kom navala oficisto donis idei di plura skriburi, fiktiva e faktala.
En 1883 aparis mi-autobiografiala romano
Mon Frere Yves
, qua deskriptis la amikeso di Franca navala oficiro ed ebriema Bretona maristo: ol divenis ilua maxim bone konocata romano. En 1886 aparis ilua romano pri la vivado di Bretona peskisti,
Pecheur d'Islande
.
En 1891 il elektesis a la
Academie Francaise
. Il divenis kapitano en 1906.