Standardo di Bearn, e Pirenei an la horizonto.
Pau
esas urbo an regiono
Aquitania
,
Francia
. Segun statistiki dil yaro 2021, ol havis 77 066 habitanti. Lua tota
surfaco
esas 31,5 km².
Cirkume la yaro 1000, konstruktesis fortifikuro an la loko di la nuna urbo, por kontrolar la pasado tra
Pirenei
. La fortifikuro - fuorto cirkondata per palisado - esis l'origino dil urbo. La nomo dil urbo, "Pau", signifikas "palisado" en la Bearnana. Ol divenis chef-urbo di olima provinco Bearn en 1464, e chef-urbo dil
rejio Navara
pos ke
Pamplona
kaptesis dal Kastiliani.
Ol esas sideyo dil
universitato
di Pau e di la Regiono Adour (
France
:
Universite de Pau et des Pays de l'Adour
- UPPA). L'universitato havas 17 mil studenti e 3900 inquestisti.
La famoza kastelo dil urbo e la ponto
Pont du XIV-juillet
, vidita de la rivo di
Gave de Pau
.
Jacanta an la valo di rivero Gave de Pau e distanta 100 kilometri del
Oceano Atlantiko
e 50 km de
Pirenei
, la
reliefo
di Pau esas kolinoza. Riveri Gave de Pau e Luy de Bearn esas la du maxim longa qui trairas la urbo. Sude del urbo existas streta e profunda vali de lua enfluanti. La mezavalora
altitudo
dil urbo esas 178 metri e lua maxim alta punto jacas 245 metri super la
marala nivelo
.
La klimato dil urbo esas montala kun influo oceanala, kun moderema vintri e varma e sika someri (
Cfb
segun la
klimatala klasifikuro da Koppen
). La mezavalora
temperaturo
en agosto (
somero
) esas 20,7°C, kontre ke la mezavalora temperaturo en januaro (
vintro
) esas 6,5°C.
La pluvoza sezono iras de oktobro til mayo. La mezavalora yarala
pluvo-quanto
esas 1069,9 mm, e la maxim pluvoza monato esas novembro, kun mezavalore 116,9 mm.
Pau esas urbo multe verda, kun 750 hektari di boski e parki. Un ek li esas Beaumont, 12-hektara parko kun kaskado e 110 speci di arbori, inkluzite exotika, qui kreskas facile pro la milda klimato dil urbo.