La Societo di Iesu ( Latine Societas Iesu , abreviuro SJ ) esas religioza ordeno di Katolika eklezio kun sideyo en Roma . Ol fondesis dal sacerdoti Inigo de Loyola (Hispane: Ignacio de Loyola), Franciskus Xavier e Pierre Favre, ed aprobesis dal papo Paulus la 3ma en 1540.

On expektas ke la membri de ca ordeno aceptez irar ad irga loko de la mondo e vivar ibe mem sub extrema standi. Li partoprenis tale nomizita "Kontre-Reformo", e pose helpis organizar la duesma Vatikana koncilo . En Azia , malgre lia dediko, li havis poka suceso pri katekizo, ecepte en Filipini . Franciskus Xavier sucesis en Goa , e helpis fondar misiono en Nagasaki , Japonia , e la Kolegio Jezuita Santa Paulus, en Makau . En Sud-Amerika , li sucesis krear misioni por katekizar indijeni en regioni nun apartenanta a Paraguay , Arjentinia e Brazilia .