Fernao de Magalhaes
(
Hispane
Fernando de Magallanes
,
Angle
Ferdinand Magellan
, n.
1470
til
1521
) esis
Portugalana
navigisto qua deskovris la pasovoyo inter
Atlantiko
e
Pacifiko
. Nuntempe ol esas nomizita "Stretajo di Magalhaes".
Magalhaes naskis en 1470 en Sabrosa,
Portugal
, kom membro di nobela familio. En
1510
ilu promocesis kom kapitano. En
1513
, kande il esis en-garnizonigata en
Maroko
, il esis vundata ed esos kripla dum sua tota vivo. Il pregis la dinastio Portugalana por pekunio-subvencio. Kande ca esis refuzata, il preterlasis sua nacionaleso ed ofris sua servado a la Hispana rejo.
Magalhaes konvinkis la Hispana rejo por financizar expediciono naviganta adweste por serchar nova voyo a
Fora Oriento
.
Hispania
precipue aceptis ilua propozo pro ke la Portugalani dominacis la voyo estala ad
India
. Magalhaes foriris kun kin navi de Sanlucar de Barrameda ye
20 di septembro
1519
por projetata voyajo a la Spico-insuli per westala voyo. Il atingis l'estuario di
fluvio Plata
(
Rio de la Plata
) (en nuna
Arjentinia
) ye la
31ma di marto
1520
.
Ibe il esis ankragata dum sis monati. Ilu transvivis sedicio, segliris adsude e deskovris marostretajo sude de
Patagonia
. Pos ke un ek la navi naufrajis ed un desertis, ye la
28ma di novembro
restis nur tri navi, qui transvivis la voyajo. Pos 38 dii il atingis oceano, quan ilu nomizis
Pacifiko
, pro la kalmeso di la maro.
Dum la pasajo di Pacifiko Magalhaes anke deskovris
Mariani
e
Filipini
. Che Filipini, Magalhaes amikeskis kun lokala tribuo, qua esis militanta kontre altra tribuo. Ye la
7ma di aprilo
il atingis
Cebu
ube ilu helpis la rejio lokala en batalio kontre rejio Mactan. Magalhaes ocidesis ye la
27ma di aprilo
1521
kande il ed ilua trupo partoprenis asalto kontre l'enemika tribuo.
La du restanta navi portanta plura tuni de spici atingis, guidata da
Juan Sebastian Elcano
, ye la
6ma di septembro
1522
a Hispana urbo
Sevilla
, pos voyajo cirkum la mondo.