Anton Bruckner
(n. 1824, m. 1896) esis
Austriana
kompozisto. Ilua precipua verki esas la non
simfonii
, la unesma simfonio kompozita en 1866, la lasta komencita en 1887 e nekompleta ye lua morto. La simfonii havas plura versioni, modifikita da Bruckner ed ilua kolegi; esas kelkafoye ne klara qua versiono esas egardenda kom autentika. Bruckner esis humila homo, quo kontrastas kun la grandeso di la simfonii.
Ilua Simfonio no. 1 esis unesmafoye pleata en
Linz
ye 9ma di mayo 1868. Ilua plu frua
Studio-simfonio
, skribita en 1863, ne esis pleata dum la vivo di la kompozisto. Quale por sua altra simfonii, Bruckner preparis plura versioni di la Simfonio no. 1; la lasta, di 1893, esis l'unesma publikigata versiono. Ol multe diferas de la versioni di 1877 e 1884, qui esas maxim ofte audata.