Baybay Tasman
Lokasion
Mapa ti Baybay Tasman
Lokasion	Akinlaud a Taaw Pasipiko
Nagsasabtan	40°S 160°E  /  40°S 160°E  / -40; 160
Kita	Baybay
Pagpagilian ti  labneng	Australia, Baro a Selanda
Kadakkelan a kaatiddog	2,800 km (1,700 mi)
Kadakkelan a kaakaba	2,200 km (1,400 mi)
Is-isla	Isla Lord Howe , Isla Norfolk
Dagiti banko	Lord Howe Rise
Dagiti pagtaengan	Newcastle , Sydney , Wollongong , Auckland , Wellington

Ti Baybay Tasman ( M?ori : Te Tai-o-Rehua ^[1] ) ket ti pingir a baybay iti Abagatan a Taaw Pasipiko , mabirukan daytoy iti pagbaetan ti Australia ken Baro a Selanda . Daytoy ket agrukod iti agarup a 2,000 kilometro (1,200 mi) iti kaakaba ken agarup a 2,800 kilometro (1,700 mi) manipud iti amianan aginggana iti abagatan. Ti baybay ket nanaganan iti Olades nga eksplorador a ni Abel Janszoon Tasman , nga isu idi ti immuna a nairehistro nga Europeano a nakasarak iti Baro a Selanda ken Tasmania . Ti Briton nga eksplorador a ni Kapitan James Cook ket kanungpalan nga adu a naglayag iti Baybay Tasman kadagidi tawen ti 1770 a kas paset ti immuna a panaglayag iti eksplorasion. ^[2]

Heograpia [ urnosen | urnosen ti taudan ]

Sakup [ urnosen | urnosen ti taudan ]

Ipalawag ti Gunglo ti Internasional a Hidrograpiko dagiti patingga ti Baybay Tasman a kas dagiti sumaganad: ^[3]

Iti laud. Ti linia manipud iti Isla Gabo (iti asideg ti Rawis Howe , 37°30'S) aginggana iti amianan a daya a punto ti Isla East Sister (148°E) kalpasanna iti igid ti maika-148 a meridiano aginggana iti Isla Flinders ; iti labes iti daytoy nga isla ti linia a tumaray nga agpadaya iti Vansittart Shoals aginggana iti [Rawis] Isla Barren , ken manipud iti Isla Barren (ti akindaya unay a punto ti [Rawis] Isla Barren) aginggana iti Punto Eddystone (41°S) idiay Tasmania , kalpasanna iti igid ti daya nga aplaya ti Rawis Abagatan Daya , ti akin-abagatan a punto ti Tasmania.

Iti amianan. Ti paralelo 30°S manipud iti aplaya ti Australia ken agpadaya iti ad-adayo a kas ti linia a mangitipon dagiti daya a patingga ti Raw-ang Elizabeth ken ti Abagatan Daya a Bato ( 31°47′S 159°18′E  /  31.783°S 159.300°E  / -31.783; 159.300 ) kalpasanna agpaabagatan iti igid iti daytoy a linia a mapan iti Abagatan Daya a Bato [ti maysa nga outlier ti Isla Lord Howe ].

Iti amianan a daya. Manipud iti Abagatan Daya a Bato aginggana iti amianan a punto ti Is-isla Tallo nga Ar-ari ( 34°10′S 172°10′E  /  34.167°S 172.167°E  / -34.167; 172.167 ) kalpasanna idiay North Cape idiay Baro a Selanda.

iti daya.

• Idiay Lingsat Cook . Ti linia a mangisilpo ti abagatan a patingga idiay Rawis Palliser ( Ngawi ) ken ti Silaw-taaw idiay Rawis Campbell (Te Karaka).
• Idiay Lingsatt Foveaux (46°45'S). Ti linia a mangisilpo ti Silaw idiay Punto Waipapa (168°33'E) nga agraman iti Daya nga Ulo (47'02'S) iti Isla Stewart (Rakiura) .

Iti abagatan a daya. Ti linia a tumaray manipud iti Rawis Abagatan Laud , Isla Stewart, babaen ti The Snares (48°S, 166°30'E) aginggana iti Rawis Amianan Laud, Isla Auckland ( 50°30′S 166°10′E  /  50.500°S 166.167°E  / -50.500; 166.167 ), babaen ti daytoy nga isla aginggana iti akin-abagatan a puntona.

Iti abagatan. Ti linia a mangisilpo ti akin-abagatan a punto ti Isla Auckland ( 50°55′S 166°0′E  /  50.917°S 166.000°E  / -50.917; 166.000 ) aginggana iti Rawis Abagatan Daya, ti akin-abagatan a punto ti Tasmania.

Kaariping a bagbagi ti danum [ urnosen | urnosen ti taudan ]

• Amianan: Baybay Coral
• Amianan a daya ken daya: Taaw Pasipiko
• Abagatan ken abagatan a daya: Akin-abagatan a Taaw
• Laud: Lingsat Bass

Dagiti nagibasaran [ urnosen | urnosen ti taudan ]

Dagiti akinruar a silpo [ urnosen | urnosen ti taudan ]

Dagiti midia a mainaig iti Baybay Tasman iti Wikimedia Commons

Nagsasabtan : 37°S 161°E  /  37°S 161°E  / -37; 161