|
Ti-ci article besona revision.
|
|
Li
universe
es li totalita del spacie e del tempor, de omni formas del
materie
, li
energie
, li impulse, li leges e constantes fisic quel governa les. Su studie, in li maxim grand scalas, es li object del
cosmologie
, un discipline bassat sur li
astronomie
e li
fisica
, in quel es descrit li aspectes del universe e su fenomenes.
Li universe fisic es definit quam omni spacie e tempor (nominat spacie-tempor) e lor contenetes. Tal contenentes include omni energie in formws divers, includente radiation electromagnetic e materie, e dunc planetes, lunes, stelles, galaxes e li contenentes del spacie intergalactic. Li universe anc include li leges fisic quel influentia super energie e materie, quam li leges de conservation, li mechanica classic e li relativita.
Li universe es frequentmen definit quam "li totalita del existentie", o omnicos quel existe, omnicos quel ha existet e omnicos quel va exister. In facte, alcun filosofes e scientistes apoya li inclusion de ides e conceptes abstracte (quam matematica e logica) in li definition del universe. Li parol universe posse anc referer a conceptes quam li cosmo, li munde e li natura.
