Emmanuel Macron
es un politico de
Francia
. Il nascet li 21-im de decembre 1977 in
Amiens
e es desde li 14-im de may presidente de
Francia
. Il hat fundat li centrist partise
En Marche
por li
Electiones Presidentiel de Francia 2017
. In li annu 2022 Macron esset reelectet quam presidente.
Emmanuel Macron studiat
filosofie
in
Paris
. Pos to il fat li elitist scola de administration
ENA
e comensat laborar in li administration del state. Desde li annu 2005 Macron esset director de finances che li ministerie de finances. Pos to il laborat quam bankero in un bank de investmentes.
Emmanuel Macron es maritat con su ex-instructora Brigitte Trogneux qui es 24 annus plu old quam il.
- 2006-2009 Macron esset membre del
Socialist Partise de Francia
.
- 2012-2014 Macron laborat equip del presidente
Francois Hollande
.
- 2014-2016 Ministre por economie, industrie e digital aferes.
- 2016 Macron fundat li political partise
En Marche
.
- 2017 Macron esset candidate por li
Electiones Presidentiel de Francia 2017
. In li unesim rond il recevit 24,0 percentes e in li duesim rond il ganiat con 66,1 percentes contra
Marine Le Pen
. Macron devenit oficialmen presidente de
Francia
ye li 14-im de may 2017.
- 2022 Emmanuel Macron es reelectet quam presidente. Il ganiat in li duesim rond con 58,6 percentes denov contra
Marine Le Pen
, qui recevit 41,5 percentes.