Alphonse Matejka
(*
9 januar
1902
in
St. Gallen
Svissia
; †
27 octobre
1999
in
La Chaux-de-Fonds
Svissia
) esset un famos Occidentalist de tchek origine.
[1]
Li familie Matejka esset originalmen de Wischkovitz, Bohemia (secun un oficial document redactet in lingue german). Li patre de Alphonse Matejka arivat in Svissia ante 1900, forsan pro manca de labor in Tchekia, e devenit Sviss cive in 1915. Su filio Alphonse nascet in St. Gallen, Svissia, li 9.1.1902. Il passat su ultim annus de scolero quam studiant in li section mercantil del scola cantonal u il fundat un florescent studiantic union sub li nomine Industria Sangallensis quel existe til nor dies.
In li comensa del secul passat, St. Gallen esset li capitalia international del broderies, e li conossentie de foren lingues esset un conditionprimordial e in sam tempor li garantie por un atractiv professional carriere. Pos su formation teoric, li yun hom entrat dunc in li buros de un internationalmen conosset firma de broderies, Reichenbach & Co., u esset altmen estimat su extraordinari linguistic talentes. It esset solmen logic que li intelligent e mult promessent yun mann esset bentost transferet vers li filiale de Paris.
Il usat li tempor e continuat su formation lingual frequentant cursus de vespere. Il aprendet e mastrisat perfectmen li romanic quam li scandinavic lingues e mem tam exotic lingues quam li Suaeli. Durant un cert tempor il scrit mem articules por un jurnal in russ lingue e fat traductiones por li russ Academie del Scienties.
Ultra li studies il ne neglectet li agreabil partes del vive e explorat intensivmen li cite de Paris quel il conosset in curt tempor quam su propri tasca de pantalon. It arivat que in li cite del amor il incontrat anc li grand amor de su vive, Jeanne Bellanger, e li felici cuple maritat se in Paris li 26.7.1928. On ne save plu quande e pro quo ili translocat a
Zurich
in li annus 30. Desde li annu 1936, ili vivet a Amsterdam, por finalmen trovar un definitiv domicilie in La Chaux-de-Fonds, Svissia, u Alphonse Matejka esset ingageat in li internationalmen orientat sviss industrie del horlogerie.
Pensar que un extraordinari linguistic genio de su calibre vivet plu o minu claustrat in su propri munde de libres e de studies vell esser un fals ide pri Alphonse Matejka qui esset in contrari conosset por su sicc humor. Unvez, il retomat a St. Gallen con su marita Jeanne por un convenida con li old amicos del studiantic tempor. In ti circul, il fat un presentation de quel Jeanne ne comprendet un sol parol; ma ella racontat que li sala ridet in un maniere que ella ne hat jama audit.
Alphonse Matejka esset activ in li movement de
Ido
, ma transeat in li annu
1937
al movement de
Occidental
.
In 1942 il publicat li unesim edition del manuale
OCCIDENTAL die internationale Welthilfssprache
, secuet in 1945 per li lexico
Worterbuch Occidental-Deutsch e Deutsch-Occidental
, sur li base del precedent ovres de
Joseph Gar
,
Tallinn
, e Prof.
Ric Berger
,
Morges
. Posquam Occidental esset rebaptisat Interlingue in 1949 Alphonse Matejka redactet e actualisat li edition del libre
Interlingue die naturliche Welthilfssprache, fur Millionen geschaffen, von Millionen verstanden. Vollstandiger Lehrgang in 20 Lektionen
por
german
parlant studentes.
Il esset li mult-annual e meritosi redactor de
Cosmoglotta
, li official organ del
Interlingue-Union
.