Sancte Martino
[3]
(
Saint-Martin
,
Sint Maarten
,
Saint Martin
) es un
insula
in le
Mar Caribe
.
Le superficie del insula es 87 km² (53 km² francese, 34 km² nederlandese). Le duo citates capital es
Philipsburg
in le sud e
Marigot
in le nord.
Lower Prince's Quarter
,
Cul de Sac
,
Cole Bay
e Marigot es le zonos urban le plus populate. Le puncto le plus alte del insula (Pic du Paradis, parte francese) es 424 m super le nivello del mar.
Quando le tempore es clar, on pote vider le insulas vicin de
Sancte Bartholomeo
,
Saba
,
Sancte Eustachio
, e
Sancte Kitts
.
Le
1 de januario
2007
, le population del insula integre esseva 74 852 habitantes, con 38 927 in le parte nederlandese e 35 925 in le parte francese.
Il es commun al duo partes del insula le
lingua anglese
e un dialecto del
lingua creol
parlate in le
Insulas Virgine
?nonobstante que le
francese
e
nederlandese
es linguas official de lor respective partes. Le personas pote circular liberemente inter le duo partes del insula, que non face parte del
area Schengen
.
Le insula es dividite in duo partes. Le sud es administrate como
Sint Maarten
, un pais constituente del
Regno del Paises Basse
; le nord es le collectivitate ultramar de
Saint-Martin
e pertine al
Republica Francese
. Le division del insula data del anno 1648, ma le habitantes es culturalmente unite.
Usque recentemente, le duo partes de Sancte Martino dependeva administrativemente de altere insulas caribe. Le parte francese faceva parte del region ultramar e del departimento ultramar de
Guadeloupe
; le parte nederlandese esseva un del
Antillas Nederlandese
. In 2007, le Sancte Martino francese e
Sancte Bartholomeo
deveniva collectivitates ultramar distincte de Guadeloupe. Le mesme anno, le federation del Antillas Nederlandese comenciava le processo de su dissolution, gratias del qual le Sancte Martino nederlandese e
Curacao
esseva promote al stato de paises constituente del Regno?e dunque equal al
Paises Basse
e
Aruba
?in mesme tempore que le parve insulas de
Saba, Sancte Eustachio, e Bonaire
se reintegrava in le Paises Basse.
Le
Aeroporto International Princessa Juliana
es situate in le parte nederlandese.
Commercio de luxo e abundante restaurantes gourmet es typic del insula. Le parte del nord ha multe casinos; le parte del sud ha plagias nude.
Le numerarios del insula es le
euro
e le
florino
del Antillas Nederlandese; isto debe esser reimplaciate per le florino caribe gratias al abolition del
Antillas Nederlandese
e le adoption del
dollar
statounitese per le
Paises Basse Caribe
.
- ↑
INSEE
,
Government of France
.
Populations legales 2008 pour les departements et les collectivites d'outre-mer
. Recuperate le 31 December 2010.
(francese)
- ↑
Central Bureau of Statistics Netherlands Antilles.
Population per Island, January 1st
. Archivo del
original
create le 2009-02-07. Recuperate le 2010-01-30.
- ↑
Derivation
:
Entitates:
1.
(it)
Saint Martin ||
2.
(es)
Isla de San Martin ||
(pt)
Ilha de Sao Martinho ||
3.
(fr)
Saint-Martin (ile) ||
4.
(en)
Saint Martin (island) ||
Controlo:
(de)
St. Martin (Insel) ||
(ru)
Сен-Мартен (остров) ||
- (Extra):
(la)
Insula Sancti Martini