Ordine de Malta
instantia de: subject of international law [*] , religious military order [*] , hospitaller order [*] , Catholic order [*]
sito web official: https://www.orderofmalta.int/
Commons: Sovereign Military Order of Malta

Le Soveran Militar Ordine Hospitaler de Sancte Johannes de Jerusalem, de Rhodos e de Malta (communmente appellate ≪Ordine de Malta≫ o ≪Soveran Militar Ordine de Malta≫ (SMOM) ^[1] ) es un ordine religiose catholic e un subjecto soveran de lege international. Le activitates del Ordine concerne principalmente le succurso medical ; e illo es notate pro su servicio importante de trainos hospitalari durante le duo Guerras Mundial .

Le Ordine de Malta pretende esser le continuation del Ordine de Sancte Johannes de Jerusalem , i.e. le Cavalleros Hospitaleros , un del plus importante ordines religiose e militari del Cruciadas . In medievo , le cavalleros de iste ordine combatteva, curava le malades, e viveva insimul secundo le stricte regulo de Sancte Benedicto. Post le perdita de lor possession territorial final (le insula de Malta ) e le reorganisation progressive del Ordine durante le seculo 19 , iste conditiones ha multo cambiate. Le major parte del cavalleros hodie es laic e civil, non vive insimul, e non cura directemente le malades. Usque le annos 1990 , le officieros del Ordine debeva presentar provas de nascimento nobile. Le Grande Maestro debe ancora esser e nobile e professe (i.e. su familia debe haber derecto de armas depois cento annos, e ipse debe haber professate votos de obedientia, castitate e pauperitate). Le Ordine de Malta ha hodie circa 13 500 membros, 80 000 voluntarios permanente, e 42 000 specialistas medical (doctores, infirmeros, auxiliarios e paramedicos).

Le fin del Ordine es de assistar le vetulos, invalidos, refugiatos, infantes, personas sin asylo, personas terminalmente malade e leprosos de tote le continentos del mundo sin distinction de racia o religion. ^[2] In plure paises?pro exemplo Francia , Germania e Irlanda ?le associationes local del Ordine son fornitores importante de servicios e maestramento de prime succurso e urgentia. Malteser International es le corpo international del Ordine pro succurso urgente, con mission de assister le victimas de disastros natural, epidemias e conflictos armate. Malteser International es active in circa 30 paises.

Entitate soveran [ modificar | modificar fonte ]

In le complimento de su activitates humanitari, le Ordine de Malta beneficia de su qualitate de entitate soveran , gratias de qual su personal pote presentar se como un partito tertie neutral durante conflictos. Le Ordine es un observator permanente del ONU , del Union Latin etc., e mantene relationes diplomatic formal con 108 statos ^[3] e altere relationes official con 5 statos, plure subjectos non static de lege international como le Communitate Europee e le Cruce Rubie , e varie organisationes international. ^[4] Plure proprietates del Ordine beneficia de un stato extraterritorial, como le Palazzo Malta, le quartiero general del Ordine a Roma .

Galeria [ modificar | modificar fonte ]

• 
  Cruce de cavallero de honor e devotion (in alto).
  Cruce de cavallero professe (in basso).
• 
  Un cavallero de gratia e devotion.
• 
  Platta de registration de un vehiculo del Ordine de Malta a Roma .
• 
  Le Cruce de Malta, le symbolo le plus recognite del Ordine (utilisate pro exemplo per Malteser International).
• 
  Krak des Chevaliers, castello constructe per le Hospitaleros in Syria .
• 
  Palatio del Grande Maestro a Rhodos .
• 
  Palazzo Malta, quartiero general del Ordine a Roma.
• 
  Jardino del Villa Malta, le altere proprietate extraterritoral del Ordine a Roma.

Referentias [ modificar | modificar fonte ]