De Wikipedia, le encyclopedia libere
Le 12 de junio 2016 Omar Mateen, un
statounitese
guarda de securitate
nascite in
Nove York
, qui habeva 29 annos de etate, assassinava 49 personas e ledeva 53 alteres al
discotheca
LGBT
Pulse
in
Orlando
,
Florida
. Ille nocte in le club il habeva un evento pro personas LGBT
latinoamerican
e le majoritate de victimas era latinoamericanos
gay
. Illo era le
tiro
le secunde plus victimose in le
Statos Unite
post le
massacro de Wounded Knee
, le plus victimose per un sol persona, e le plus victimose evento individual de violentia contra le personas LGBT.
Le tirator era obsedite super le cultura del
policia del Statos Unite
. Ille era exercitate como un
guarda de prision
mais era dimittite quando ille faceva un joco, que ille voleva portar un
fusil
al schola. Ille falleva devenir un
agente del policia
del
autostratas
de Florida. Depost
2007
ille era un guarda de securitate pro le compania G4S Secure Solutions. Ille era diplomate pro portar fusiles e pro travaliar como un guarda de securitate, faceva nulle crimines prior, e passava un examination
psychologic
. In 2009 ille e su
sposa
divorciava
, qui le describeva como
physicamente abusive
.
Ante le tiro, Mateen jurava fidelitate simultanee al
Stato Islamic
e al
Fronte al-Nusra
. Proque iste gruppas son mutualmente inimic e a causa de carentia de evidentia substantial, iste pretentiones son dubitate per le statounitese agentias de information. Totavia, a causa del severitate del massacro e le indignation consequente del gente, su fidelitate supponite al Stato Islamic ha devenite un motivo pro multe nove leges dante plus de autoritate al stato contra le
terrorismo
, e ha essite discutite in multe campanias politic. In le convention national del
Partito Republican
, cuje platteforma era largemente criticate pro le permitter de varie formas de discrimination directe contra personas LGBT e contra personas latinoamerican, le Respublicanos pretendeva que su platteforma protegerea le personas LGBT per opposition al
Islam
. Iste enunciation era largemente criticate como cynic e
islamophobic
.