De Wikipedia, le encyclopedia libere
Le
lingua irlandese
(
Gaeilge
[??eːl???]), anque appellate gaelico irlandese, es un lingua celtic que se parla traditionalmente in septe regiones, le majoritate in Irlanda occidental. Illo es un lingua resimilante le
gaelico scotese
e le lingua del
Insula de Man
,
gaelico manese
(
Q-Celtic
). Le lingua es anque parente a
gallese
e le altere
linguas celtic
(
P-Celtic
), ma plus lontano.
Il es difficile determinar con precision le numero total de parlantes traditional del lingua proque quasi tote le juvenes debe apprender lo a schola. Secundo le caso, le irlandeses pote posteriormente oblidar le lingua, maestrar lo sin poter parlar lo in lor vita quotidian, o describer se como gaelophone pro rationes sentimental. Nonobstante iste possibilitates, le lingua ha certo un stato alte e un penetration considerabile, e in le
Republica de Irlanda
e a presso de republicanos in le
Irlanda del Nord
.
Secundo le censo, 1,66 milliones de personas in le
Republica de Irlanda
sape parlar lo, ma le population de parlantes active es 72 000.
[1]
Le population de parlantes (a tote le grados) in
Irlanda del Nord
es 95 000.
Le septe regiones (appellate
Gaeltachtai
) in qual se parla le lingua irlandese son: (in le provincia de Ulster) le contato Donegal; (in le provincia de Connacht) Mayo e Galway; (e in le provincia de Munster) Kerry (duo districtos), Cork e Waterford. Il ha anque parve districtos in le provincia de Leinster in le contato de Meath.
Secundo le constitution del Republica de Irlanda le lingua irlandese es le prime lingua official.
[2]
Le anglese es le secunde lingua official. Le lingua irlandese ha nulle stato official in Irlanda del Nord, nonobstante que le Accordo del Venerdi Sancte (1998) habeva recognoscite que le linguas irlandese e
scots
faceva ≪parte del ricchessa cultural del insula de Irlanda≫.
[3]
- ↑
CSO.ie
- ↑
Constitution of Ireland
. Government of Ireland (1 de julio 1937). Recuperate le 19 de junio 2007.
- ↑
In le version original,
"part of the cultural wealth of the island of Ireland"
.
Good Friday Agreement
. Northern Ireland Office (10 de april 1998). Archivo del
original
create le 2011-10-03. Recuperate le 17 de augusto 2012.