Oland es le secunde grande insula de Svedia . Ille es situate in le Mar Baltic al est del provincia de Smaland . Desde le anno 1972 le insula es connectite con le contintente svedese con le Ponte de Oland . Usque a 1998 isto esseva le plus longe ponte in Europa. Sur le insula il ha 13 600 discopertas archeologic . Le sud de Oland es dominate per le circa dece km ample plana, le Grande Alvar , con un vegetation steppic sin arbores.
Oland pertine al Contato de Kalmar desde le anno 1634 . Il ha duo communas, le Communa de Morbylanga (al sud) e le Communa de Borgholm (al nord). Ambes coopera in le Association Communal de Oland . In 2009 esseva arrangiate un referendum local concernente un proposition de unir ambe communas in uno, appellate le Communa de Oland ma specialmente le inhabitantes in Morbylanga votava no.