De Wikipedia, le encyclopedia libere
Henrico VI de Anglaterra
[1]
(in anglese
Henry VI
, 6 decembre 1421 ? 21 maio 1471) esseva le rege de
Anglaterra
e senior de
Irlanda
ab 1422 usque 1461 e etiam ab 1470 usque 1471. Ille esseva etiam le rege disputate de
Francia
ab 1422 usque 1453. Ille succedeva su patre
Henry V de Anglaterra
quando ille habeva novem menses. A su accession ille esseva le plus juvene rege de Anglaterra.
Henrico deveniva le rege durante le
Guerra de Cento Annos
. Ille tosto hereditava le corona francese quando
Carolo VI
moriva, ma su oncle
Carolo VII
contestava iste directo. Ille esseva le solmente rege anglese qui esseva coronate rege de Francia (como
Henrico II
in 1431). Le initio de su regno, quando
regentes
governava in su loco, videva le apogeo del potentia anglese in Francia. Subsequente problemas militar, politic e economic habeva debilitate lo ante 1437, quando Henrico comenciava su regula personal. Le perditas continueva pois. Henrico maritava
Margarita de Anjou
, le nepta de Carolo, como un offerta pro pace, ma su politica de pace falleva. Le guerra recomenciava e
William de la Pole
, un consiliator favorite de Henrico, esseva occidite. Le annos usque 1453, Anglaterra perdeva tote lor terras in Francia excepte
Calais
.
Durante que le situation in Francia se deteriorava, agitation se diffundeva in Anglaterra. Henrico esseva reservate, passive e indecise. Ille habeva un maladia mental, que pejorava post 1453. In alcun annos, ille non poteva governar. Margarita, su obstinate regina,
Ricardo, Duce de York
, un nobile potente e popular, e nobiles contentiose altere tentava plenar le vacuo de potentia. Illes argueva re controlo del governamento e qui succederea Henrico. Le disputas causava le
Guerras del Rosas
, un serie de
guerras civil
. Henrico esseva disthronava in 1461 per le filio de Ricardo, qui prendeva le corona como
Eduardo IV
. In 1465, Henrico esseva captivate e imprisionate in le
Turre de London
.
Henrico retornava al throno in 1470, post ille formava un alliantia con
Ricardo Neville, Conte de Warwick
, ma le victoria esseva breve. Eduardo le disthronava etiam in 1471 post le
Battalia de Tewksbury
, quando le filio solmente de Henrico esseva occidite. Henrico tosto moriva in le Turre de London. Il es possible que ille esseva occidite per un adherente de Eduardo. Ille esseva considerate un
sancto
e
martyr
in Anglaterra usque le
reforma protestante
. Su legato plus importante esseva institutiones educational; ille fundava
Eton College
e collegios del
Universitate Oxonian
e
Universitate de Cambridge
.
William Shakespeare
scribeva tres dramas re su vita. Illos non monstrava le maladia mental, ma le depingeva con un personalitate molle.
- ↑
Derivation
:
Entitates:
1.
(it)
Enrico VI d'Inghilterra ||
2.
(es)
Enrique VI de Inglaterra ||
(pt)
Henrique VI de Inglaterra ||
3.
(fr)
Henri VI (roi d'Angleterre) ||
4.
(en)
Henry VI of England ||
Controlo:
(de)
Heinrich VI. (England) ||
(ru)
Генрих VI (король Англии) ||
- (Extra):
(la)
Henricus VI (rex Angliae)