She greeseyder as ynlaghteyr
co-earrooderyn
Americaanagh va
Steven Paul "Steve" Jobs
(24 Toshiaght Arree 1955 ? 5 Jerrey Fouyir 2011). She co-vunneyder, caairliagh, as ard-offishear sheckteragh er
Apple Inc.
v'eh. Roish shen, ren eh gobbraghey myr ard-sheckter lesh y cholught bioghid
Pixar Animation Studios
, as haink eh dy ve ny oltey jeh bing stiureyderyn y
Walt Disney Company
'sy vlein 2006 erreish da kionnaghey Pixar ec Disney. Va'n ennym echey currit er rolley ny cohoyrtee da'n scannane
Toy Story
(1995) myr ard-stiureyder.
Ayns ny 1970yn jeianagh, ren Jobs (myrane lesh e cho-obbreeyn echey
Steve Wozniak
,
Mike Markkula
, as fir elley) kiaddey, lhiasaghey, as cur fer jeh ny chied cho-earrooderyn persoonagh rahoil, straih yn
Apple II
, er y vargey. Ayns ny 1980yn leah v'eh coontit mastey ny chied deiney ren toiggal cummys traaghtee
co-eddin graafagh ymmydeyr
jeh
Xerox PARC
v'er ny stiurey liorish
lugh
, as eh cur y raad foshlee da crooaght y
Macintosh
. Chaill eh kestal chummaghtagh lesh bing ny stiureyderyn 'sy vlein 1985, as, rere shen, ren Jobs irree ass Apple as ren eh cur
NeXT
er bun. She colught lhiasaghey jeh
ardaneyn co-earrooderyn
v'eh as y colught shen jeeraghey er margaghyn dellal as ynsee s'yrjey. Ren Apple kionnaghey NeXT 'sy vlein 1996 as rere shen hie Jobs reesht stiagh 'sy cholught ren eh co-vunnaghey. Ren eh gobbraghey myr AOS er y cholught shen veih'n vlein 1997 derrey 2011.
'Sy vlein 1986 ren eh kionnaghey rheynn ny graafee cho-earrooderyn jeh
Lucasfilm
as eh er ny chur magh myr Pixar Animation Studios. Hannee eh ayn myr AOS as y ronnyeder smoo lesh 50.1% jeh ronnaghyn y cholught derrey yn chionnaghey echey liorish The Walt Disney Company 'sy vlein 2006. Rere shen, haink Jobs dy ve ny ronneyder smoo rere ronnaghyn as 7% jeu echey as haink eh dy ve ny oltey jeh Bing Stiureyderyn Disney.
Er 24 Luanistyn 2011 ren eh fogrey magh dy row eh girree ass oik myr AOS er Apple. Er 5 Jerrey Fouyir 2011 v'eh fogrit magh dy dooar Jobs baase as eh 56 bleeaney d'eash.
Ta tooilley mean ayns Wikimedia Commons bentyn rish:
Steve Jobs
.
Ta chaglym aaraaghyn ec
Wikiquote
bentyn rish:
|
---|
Eddyrashoonagh
| |
---|
Ashoonagh
| |
---|
Ard-scoillaryn
| |
---|
Ellyneyryn
| |
---|
Sleih
| |
---|
Elley
| |
---|