Ta
Noo Niglus
,
Jishag y Nollick
,
Kris Kringle
,
Santa Claus
, ny
Santa
dy h-aashagh, ny phersoonid er ny cheet magh ass y phersoonid Ollanagh
Sinterklaas
, fer feayn-skeealeydagh, shenn-skeealagh, shenndeeagh ta gymmyrkey
giootyn
dys thieyn paitchyn mie car fastyr jeianagh as oie
Oie'll Voirrey
, 24 Mee ny Nollick, ny er y laa feailley echey, 6 Mee ny Nollick (
Laa'l Niglus
). S'foddee dy vel bun y chenn-skeeal ry-akin ayns skeealyn
noo-hennaghyssagh
bentyn rish y ghiooteyder shenndeeagh
Noo Niglus
. Ta skeeal begnagh cosoylagh lhiggit liorish beeal-arrish Ghreagagh as Bhaisantagh da
Noo Basil Mooar
. She yn chied laa jeh Mee Yerrey Geuree Laa'l Basil, as ta'n laa shen coontit myr laa ny giootyn 'sy
Ghreag
.
Ayns ny shenn laaghyn, ren caslyssyn jeh Noo Niglus taishbyney eh as eh ceau coamraghyn aspickagh. Jiu, ansherbee, ta begnagh dagh dooinney jannoo cur sheese er Noo Niglus myr fer roauyr as gennal, lesh
faasaag
bane,
cooat
jiarg lesh
coillar
as
doarn-mhuinneelyn
baney,
breechyn
jiargey lesh cass-mhuinneelyn baney, as
bootysyn
as
cryss
doo. Haink er y chur sheese shen er Noo Niglus dy ve feer ennoil ayns
ny Steatyn Unnaneysit
as 'sy
Chanadey
car y 19oo eash rere cleayney mooar yn 'ar-yallooder as y screeudeyr cartoonyn politickagh
Thomas Nast
. Ta'n caslys shen er ny freayll seose as ny niartaghey trooid mean ny h-arraneyn, y radio, y chellveeish, as ny scannaneyn. 'Sy
Reeriaght Unnaneysit
as 'syn
Oarpey
, t'eh ry-akin ayns cummey cosoylagh rish y Noo Niglus Americaanagh, agh dy mennick t'eh enmyssit
Jishag y Nollick
.
Ta beeal-arrishyn kianglt rish Noo Niglus gra dy vel eh cummal 'sy twoaie, ayns thalloo ta coodit dy beayn liorish
sniaghtey
. Ta'n Santa Claus Americaanagh, rere beeal-arrish, cummal ayns
Ard y Twoaie
, as ta Jishag y Nollick cummal 'sy
Laplann
,
Finnlynn
. Dy mennick, ta ny skeealyn gra dy vel Noo Niglus cummal marish e ven heshee, marish earroo anhickyr dy
elfyn druiaghtagh
, as marish
feeaihyn Loghlinagh
etlagh. Ta skeeal elley, ta mie er enney 'syn arrane
Santa Claus is Coming to Town
, gra dy vel Noo Niglus screeu sheese enmyn ny paitchyn ooilley ayns rolley, as rheynn ad ayns daa lieh-rolley - "paitchyn mie" as "drogh-phaitchyn". T'eh cur giootyn jeh
gaihyn
as
millshanyn
da ny guillaghyn as caillinyn mie, as ny keayrtyn t'eh cur
geayl
gys ny drogh-phaitchyn, car oie Oie'll Vayrey. T'eh cooilleeney yn treanid shen marish cooney ny h-elfyn ta cur ny graihyn ry-cheilley 'sy
cheirdlann
as marish cooney ny feeaihyn ta tayrn y sleayd echey.