She politickeyr as sporteyr Yernagh va
John Mary "Jack" Lynch
(
Yernish
:
Sean O Loingsigh
; 15 Luanistyn 1917 — 20 Jerrey Fouyir 1999). She
Taoiseach
v'eh er
Pobblaght Nerin
, as daa hiarrym echey veih 1966 derrey 1973 as veih 1977 derrey 1979.
Va Lynch reiht myr
Teachta Dala
da
Dail Eireann
da'n chied cheayrt 'sy vlein 1948 son Corkee, as v'eh aa-reiht ayns dagh ard-reihys elley derrey dirree eh ass oik 'sy vlein 1981. Dobbyr eh myr
Shirveishagh Argidys
(1965–1966), myr
Shirveishagh Chynskyl as Traght
(1959-1965), myr
Shirveishagh Ynsee
(1957-1959), myr
Shirveishagh y Ghaeltaght
(1957) as myr
Scrudeyr y Pharlamaid
. She eshyn va'n trass fer toshee er
Fianna Fail
veih 1966 derrey 1979, as eh ny eiyrtyssagh er
Sean Lemass
. Va'n tromlagh jerrinagh 'sy
Dail
cosnit echey ayns ard-reihys 1977.
Roish haink er dy ve ny pholitickeyr, v'eh ny sporteyr rahoil myr cloieder dooblagh
ny Cloiaghyn Gaelgagh
. Chloie eh yn
immaneeaght
marish y chommyn ynnydagh
Fanaithe an Ghleann
("Rouailtee yn Ghlion") as lesh fwirran eddyr-choontae
Chorcai
veih 1936 derrey 1950. Chloie eh yn
bluckaneyrys Gaelgagh
lesh y chommyn ynnydagh echey
San Nioclas
("Niglus Noo") as lesh fwirran eddyr-choontae Chorkee eddyr ny bleeantyn 1936 as 1946.