Hernan Cortes de Monroy y Pizarro Altamirano, 1d Varkys Ghlion Oaxaca
(Mee ny Nollick 1485 ? 2 Mee ny Nollick 1547), she
conquistador
Spaainagh v'eh. Stiur eh yn turrys-contoyrtys hug rish
tuittym yn Impiraght Asteckagh
as chionnee eh ayrnyn mooarey jeh'n vooar-heer haink dy ve Meksico noa-emshiragh fo reirey
ree yn Chashteel
'sy 16oo eash leah. Va Cortes coontit mastey ny ronseyderyn as ny conquistadoryn ghow toshiaght rish y chied phaase jeh
coloinaghyn Spaainagh ny h-Americkyn
.
V'eh ruggit ayns
Medellin, y Spaainey
, lesh mooinjer lieh-ooasle. Reih eh geiyrt er contoyrtyssyn as er berchys 'sy
Theihll Noa
. Hie eh dys
Hispaniola
as, ny s'anmey, dys y
Choobey
, raad hooar eh
encomienda
(cairys da obbyr viallee er lheh). Feie tammylt beg, ren eh shirveish myr
alcalde
(briw beg) er y nah valley Spaainagh va bunnit er yn ellan. Ayns 1519, v'eh reiht myr captan y trass turrys-contoyrtys dys y vooar-heer. Hug eh beggan argid echey hene da'n turrys-contoyrtys. Ren e noidys n'oi kiannoort y Choobeby,
Diego Velazquez de Cuellar
, cur rish aagherrym er-ash jeh'n turrys-contoyrtys ec y vinnid yerrinagh, agh yiooldee Cortes veih'n oardagh shen.
Lurg e heet dys y vooar-rheynn, chur Cortes strateysh rahoil er bun raad heuee eh rish
bun-dooghyssee
ennagh n'oi fir elley. Chammah's shen, ghow eh ymmyd jeh ben dooghyssagh,
Dona Marina
, myr chyndaader. Ny s'anmey, rug ee yn chied vac echey. Tra chur kiannoort y Choobey chaghteryn dy ghoaill Cortes seose, chagg eh nyn oi as va'n varriaght echey. Ghow eh ymmyd jeh ny sidooryn elley myr tooilley cooney.
[1]
Screeu Cortes lettyryn jeeragh da'n ree shirrey bwooise ry-hoi e varriaghtyn ayns ynnyd kerraghey ry-hoi e halleydys. Erreish da ren eh ceau
yn Impiraght Asteckagh
harrish, va'n enmys
marques del Valle de Oaxaca
bronnit er Cortes, tra va'n enmys lhiass-ree, va ny s'ooashley, bronnit er yn ard-dooinney ooasle,
Antonio de Mendoza
. Ayns 1541, ren Cortes goll er-ash dys y Spaainey raad hooar eh baase shey bleeaney ny s'anmey rere cooishyn najooragh.
Ta tooilley mean ayns Wikimedia Commons bentyn rish:
Hernan Cortes
.
|
---|
Eddyrashoonagh
| |
---|
Ashoonagh
| |
---|
Ard-scoillaryn
| |
---|
Ellyneyryn
| |
---|
Sleih
| |
---|
Elley
| |
---|